由YouTube Channel「小薯茄」衍生而成的搞笑男團FINALLY近日推出第二首團歌《樓下的貓》，令粉絲最驚喜的相信是他們帶來的竟然是抒情慢歌，而且訊息量滿滿，分享他們四位大男孩的愛情觀之餘，亦是寄語支持他們的粉絲，感激大家如流浪貓般看待他們。FINALLY稱出歌後得到不少跟粉絲互動的機會，不排除下隻歌將會向「反NALLY」下戰書？
由程人富（Chorus）、關浩傑（JPG）、姚澤汶（Fatman）及朱柏熹（M.I.C.）組成的男團FINALLY去年推出歌曲《終於出歌》，可謂玩味十足，YouTube觀眾們以為只是一首歌曲過過癮，沒想到差不多一年時間，FINALLY再次出歌，今次《樓下的貓》更是抒情慢歌，絕對是挑戰唱功。Chorus笑言：「等一年終於再出歌，仲要係抒情歌，啲人成日話我哋歌曲全是感情，完全冇技術可言，所以我哋痛定思痛，就出一首全是感情嘅歌，抒情慢歌嘅情歌。」
Fatman坦言今次挑戰慢歌對FINALLY絕對是高難度，不過他們都堅持，事關一首情歌對偶像男團而言相當重要，M.I.C.認錄音前都做好多咬字和拍子上面的練習，希望聽眾可以聽得舒服，整個錄製過程之中都下了不少苦功。問到拍子還是咬字的問題較為嚴重，JPG說：「我兩樣都有問題！」Chorus再踩一腳：「咁你又唔好咁謙，除咗呢兩樣你都仲有好多問題，你係全方位都好大挑戰！」Fatman都承認錄音過程才知悉自己有漏風的問題，希望一路都會有改善。
Chorus表示上年推出第一首歌後，反應非常好，甚至超出預期地增添很多的演出機會，「我哋因為出歌仲上埋紅館呢個殿堂級舞台，所以令我哋同粉絲多咗好多互動，嚟緊會keep住繼續出歌，否則就只會停留觀眾靠熒幕睇我哋啲片。」今次歌曲送畀「終粉」，問到會否考慮下首歌唱給「反NALLY」？Chorus說：「下首Diss就可以Diss佢哋，送畀仇人只能夠Diss啦，接招啦！夠薑就Diss番轉頭！」
《樓下的貓》MV找來女神蘇雅琳（Ivy So）擔任女主角，不過近距離互動的就只有M.I.C.，他笑言：「MV出街之後，有一半以上留言都話send刀片畀我，仲講定話多謝M.I.C.喺FINALLY嘅付出，嚟緊睇怕會收一堆刀片。（面對Ivy So好緊張？）起初冇乜，但一roll機見到Ivy對眼原來係會害羞，加上三位隊長喺遠處望實個眼神...」Chorus、JPG及Fatman即時七嘴八舌聲稱只是想保護嘉賓及專注製作，見如果有任何太親密的情況，他們都會搶先過導演「嗌Cut」。他們透露今次歌曲的主題來自FINALLY出席音樂頒獎禮，獲得其他男團的粉絲支持，有感FINALLY就好似流浪貓一樣，雖然沒有專屬的主人，但有無數走過的路人都會伸手摸摸或者餵食，令他們感覺非常幸福。Ｍ.I.C.說：「有次去亞洲博覽館出席音樂頒獎禮，我哋啱啱夾喺一個大型男子團體同佢哋班粉絲中間，我哋邀請佢哋嗌FINALLY，最終搞到場內三分之一人都嗌住我哋個名！」他們四子坦言無論是YouTuber身分還是男團身分，他們都只是務求令大家開心笑，希望繼續努力做得到這個目標。
髮型: Oscar Ngan
化妝: Hulda Tsai
造型: Darren Tsang
場地：牛魔燒肉
撰文：楊安莉
攝影：何家賢
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
