劉俊謙蔡思韵｜近年劉俊謙演藝事業如日中天，同時更與女友蔡思韵愛得甜蜜。繼《九龍城寨之圍城》隔空合作之後，兩人亦將於新作《武替道》上有合作，今次更有同場戲份！不過在電影上映之前，竟然爆出劉俊謙公開指罵女友蔡思韵?原來是兩人首度以情侶檔形式出演廣告。
劉俊謙蔡思韵｜劉俊謙公開指罵女友「問夠未?」
劉俊謙早前於社交平台放上預告，並表明即將放映。影片為劉俊謙與女友蔡思韵一同出演的影片，當時雖然沒有透露太多資訊，不過可以看出兩人在影片仍然飾演情侶，但就似乎亦有磨擦的戲份，劉俊謙直言︰「一早就咁講啦，問問問。」與現實中的暖男形象反差甚大！
劉俊謙蔡思韵｜兩人首度合演廣告 導演親自鮮畫
導演朱祖兒大爆自己鍥而不捨游說兩人的經理人，希望Ceci及劉俊謙能合體拍首支廣告。表示：「我真係半夜三更講故仔游說佢兩個經理人，俾佢地合體拍呢條好長好長嘅廣告，拍完之後我真係好鍾意，愛不釋手，一剪就八條！」對於阿謙和Ceci的演出，朱祖兒讚不絕口：「我拍咗劉俊謙兩次，今次第一次拍Ceci ，過程中，我已經知佢（Ceci)非一般嘅好！理解力強，認真同聰明，拍之前，係冇諗真係會傾得成事，兩個合體拍電影唔奇，但拍廣告就好難得！起碼對我嚟講就係，但兩次嘅時間表都係超緊逼，近乎不可能任務，但拍攝過程中兩次都好過癮！（唔係客套說話）最終能在冇超時下，完成拍攝又趕得切出街！」
能夠完成今次他眼中「快靚正」的合作，朱祖兒感恩說：「我會歸功於兩位演員嘅能力，如果換轉係非專業演員，相信冇可能每鏡可以一兩個takes 搞得掂收貨，但之後想搵啲蝦碌鏡頭就欠奉，因為無NG! 」他續指：「兩個已經係少有嘅超班好演員，極專業！會消化故事同人物關係，雖然只係廣告，相比電影會較輕鬆簡單，但我睇得出Ceci 好認真咁去捉摸對白嘅語氣，我特別中意佢嘅眼神，細緻入型！同上次劉謙一樣，佢一埋位就上身咁，好清楚知道要點演釋，最難得佢比出嚟嘅係超出我嘅預期中嘅更好！佢哋係「好演員」！非一般靚靚女偶像，我真係好彩，每次拍都搵到最好嘅演員！」
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
