港女誤啪小童票遭港鐵罰錢！港鐵閘口不時都會有職員「監督」市民安份守己，用合符資格的八達通或其他支付方式入閘。不過，日前就有位港女一時大意用錯小童票，即場被職員「捉到」更當場發出告票，遭罰款$1000令她大喊「好唔甘心」。不過網民就毫不同情「罰雙倍啦」，即睇完整事件！
港女入閘1動作誤啪小童票
日前，一位港女在Threads發文宣洩，稱「一朝早喺地鐵狂喊」表示自己當下沒有足夠現金增值八達通，就改用支付寶掃QR Code乘車碼入閘。怎料，事主忘記了手機支付寶原先設定成小童票，「但我又冇睇清楚」就直接掃描入閘，結果一入閘就迎來事主的「惡夢」。
港鐵職員即場發出告票罰款$1000
港女表示一入閘就「黑仔到俾人即捉」，她上傳的一張相片中可見，在九龍灣車站入閘時，因以特惠車票二維碼入閘違反港鐵附例，職員隨即向她發出該告票，並向她罰款$1000。她大喊「好黑仔啊」，更表示罰款金額「重手」令她忍不住在港鐵崩潰「你話罰我500我都冇咁辛苦啊，1000啊，我可以捱到唔知幾多日啦」，更發帖宣洩「好唔甘心」。不過，港女的遭遇反令網民毫不同情留言「罰雙倍啦」。
網民不同情：罰雙倍啦
事件引起網民熱議，有網民留言質疑事主「又會咁啱得咁橋」、「怪地鐵？怪地硬啦！」、「詐傻扮懵，罰雙倍啦」；亦有網民為事主平反「如果有小朋友，之前幫小朋友比過錢係有機會嘅」、「我試過幫完個女用支付寶俾，第2日用唔記得轉返，無仔女嘅當然唔會明」。
▼即睇網民留言▼
網民教1方法解決
亦有網民留言「支付寶乘車係唔知點解會set咗小童，我都試過搭咗幾次先留意到點解咁平，先知原來set咗小童，好彩冇俾人捉到」驚見自己的支付寶乘車碼都預設成「小童」，就教大家掃Code入閘前要留意一點！
在支付寶App中的乘車碼下方，清楚列明「小童（普通等）」及「成人（普通等）」，先選定正確的乘車碼，再掃QR Code入閘。各位乘客記得留意清楚啦！
MTR港鐵罰款條例/價錢一文睇清
港鐵（MTR）為了杜絕乘客在車站內交收貨物，或在站內流連太長時間，一直實行超時出閘及原站出入閘罰款。另外亦為防止有市民使用無效車票或不合其資格類別的車票，將會對該乘客收取附加費，即看目前MTR港鐵逾時出入、同站出入等罰款及計算方法啦！
延伸閱讀：
」，
App內睇文同睇片可隨時捕捉U Fun彩蛋，
換領現金券及禮品！
↓ 【🎁送您】OWNDAYS 渣古頭型特大眼鏡收納盒！👓↓
↓1：7 超大尺寸😲內置動作機關🌟可容納收藏4副眼鏡🕶️！↓
↓【限時搶⚡】Beauty from Nature自研美極緻水光肌精華！↓
↓ 迅速舒緩肌膚缺水問題！肌膚變得細膩、淨白同緊緻有彈性！↓
