Jeremy新歌〈Villain〉MV｜MIRROR成員Jeremy（李駿傑）於2024年10月2日全新推出歌曲《Villain》，新歌鼓勵大眾以惡制惡面對逆景，MV中更一改形象變身「惡棍」，以惡棍造型示人，演繹破格。
Jeremy新歌〈Villain〉
Jeremy新歌MV以惡棍形象示人，原來用心良苦！Jeremy道：「今年推出嘅個人單曲〈唯美本尊〉同埋〈TOXIC!〉，都叫大家強壯自己嘅心靈，今次用上Villain惡棍嘅形象，係好想大家喺面對負面嘅事情嘅時候，會用惡棍嘅心態去面對：『你哋蝦蝦霸霸，我唔驚你哋㗎！』係咁樣去面對佢哋，令到自己開開心心，可以做到自己想做嘅嘢，然後enjoy自己生活，同時面對好多唔同嘅難題。」
Jeremy以惡棍形象示人
為了配合歌曲主題，Jeremy在MV中當然要化身一名惡棍！Jeremy搞笑介紹：「 我今日好壞呀！今次造型比以前再多啲唔同感覺，第一次用headband，又有唔多正經嘅西裝，仲有格仔恤衫，都係有別於自己以前MV造型，喺造型上係有新嘅挑戰，同埋唱法上都想再有少少壞感覺，希望有啦！」其實這個七彩繽紛的造型，十分配合即將舉行的《MATCHICAL LIVE 2024》演唱會，Jeremy亦率先透露：「〈Villain〉係會喺MATCHICAL呢個show首次獻唱，首歌咁colourful，同個show都好夾，相信到時會有唔同嘅色彩出到嚟，好期待到時唱俾大家聽。」
Jeremy新歌MV煎皮拆骨私家車
說回MV，今次其中一幕是用上一部被煎皮拆骨的私家車，Jeremy回憶道：「MV用上一部爛咗嘅車，又同dancers做mood shot一齊玩，呢件事好chill好搞笑，因為拍嘅時候唔知要喺架車度做啲乜，咁咪大家feel下啦，好似係咁喎，玩下啦 ，但出嚟效果好似係好壞嘅感覺。」
Jeremy最壞moment
平時的Jeremy，總予人乖仔感覺，被問到日常生活中甚麼時候是最壞，Jeremy坦言：「我平時冇乜壞嘅moment，化妝之後最壞，因為要做嘅表演都好壞，所以化妝後係最壞嘅。」想見識曳仔Jeremy，就要loop多幾次〈Villain〉喇！
Jeremy李駿傑〈Villain〉MV YouTube
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Cetaphil舒特膚溫和護膚系列！↓
↓ 助您改善5大敏感症狀 / 修復及強化受損肌膚屏障！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
