TVB台慶劇《企業強人》大結局一集除了重回落在張曦雯身上，另一位女主角龔嘉欣（Katy）的表現同樣備受矚目。今晚Katy將在一鏡過的拍攝情況下、一口氣背誦出長達整整一分鐘的「資訊式台辭」，當中除包含大量翹口的公司名字外，還涉及不少數字，絕對是記憶力大考驗；不過Katy最終仍順利一take過完成考驗，相當厲害。
企業強人｜龔嘉欣「自言自語」記憶大法
龔嘉欣受訪時就透露，她其實有一個不為人知的習慣，就是會在拍攝重頭場口前，不斷自言自語自我催眠，務求以類似吸引力法則的方法幫助自己極速進入狀態：「我會成同自己講嘢，『呢場戲要做好啲，我得一次機會！』，雖然拍劇有得NG同剪接，但我成日覺得第一次會係最真實嘅感覺，同埋我都唔會想對手失望，講兩句又NG。」
企業強人｜龔嘉欣密集式背資料1 take搞掂
談到與老戲骨John哥（姜大衞）對手戲連場，Katy坦言勁大壓力，並笑言不敢直視對方：「因為一來我啲對白好多專業詞語，你又知John哥加埋個造型坐喺度幾有氣勢，我直頭唔敢望佢。但我同我自己講我依家係方芳，我一定要贏過邢生，所以係好有壓力。我覺得我唔會想喺呢個前輩面前NG，唔係只係對白、連個戲我都唔想NG，想要做到好精準，我覺得呢個係健康嘅壓力，係好嘅推動力。」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】Care Bears™ x Grace Gift 人氣聯名系列🎀
↓ 帶走小熊CAP帽／半月包／中筒襪等單品🔥↓
↓【限時搶⚡】CheckCheckCin原箱蜜桃紙包米水！↓
↓ 助您補益氣血、養陰生津！↓
