Crush團隊深知都市人想認識新朋友同尋找伴侶嘅機會可謂少之又少，於是決心當起現代版月老，提供一對一專屬配對服務。以其豐富嘅獵頭經驗為基礎—為適合人選配對到適合嘅公司同職位，同樣道理，Crush月老會先分別與每個參加者會面，了解其背景同擇偶條件，並拍個人照製作一份專屬個人資料，再以專業眼光作篩選及匹配，從每個人嘅過往經驗、性格特徵等等進行配對，找到適合嘅人選再推薦畀雙方，若認為合適就會直接安排見面，為會員省卻前期偈傾計嘅心血同時間。
見面嘅模式採用一齊參加興趣班，活動豐富多樣有動有靜，適合不同個性人士，包括高爾夫球、雙人瑜珈、泰拳、網球班、手工咖啡、水托絲巾、星球蠟燭、皮革班等等，透過模擬情侶興趣班，過程中易有互動唔怕尷尬，月老們仲會特別安排熱身遊戲同桌遊，讓過程更好玩輕鬆，提供更多機會交流自然帶出話題，更易找到雙方嘅連結。
因為配對雙方都已經對對象嘅背景有所了解，令配對成功率大大提升，平均參加五次活動就可以成功搵到伴侶。重點係Crush月老並不盲目追求一擊即中嘅奇跡，而是每次見面後進行賽後檢討，不論成功與否都會跟進每個個案，重新審視參加者嘅擇偶條件同自身嘅不足，透過不斷修正，為會員找到最適合自己嘅靈魂伴侶。
月老兼任成長導師 參加者需先面試確保安全性
搵靈魂伴侶絕對唔係一件容易嘅事，Crush月老都見證唔少喺配對活動後無下文嘅參加者，佢哋係呢個時候就會化身為成長導師，因為事實上緣份未到，有可能源自自身問題，月老會幫參加者先做好自己，除咗喺約會後檢討，更會透過獨有嘅「魅力提升班」幫助參加者從內而外提升自我，同時提供意見同策略，助每個人向前行出一大步。
有月老先為雙方仔細了解擇偶條件，成功配對嘅可能性自然大大提高，其中一個真實成功個案嘅女主角A小姐就留言感謝Crush月老為佢配對條件正正符合佢理想嘅對方—斯文有禮、非常顧家及努力工作，讓A小姐有信心跟對方長遠走下去，她更認為月老嘅積極鼓勵與有用建議，對呢一段關係嘅成功係極為重要，為唔熟悉同異性相處嘅參加者建立信心，讓交流更自然。
A小姐更提到自己非常推薦單身女生用Crush，除咗因為平台收費合理，更有知深月老協助尋找理想對象，不像交友App般沒有專業配對，要靠自己跌跌撞撞搵對象。
會員真實成功配對個案，A小姐認為月老嘅建議及鼓勵非常有用，推薦女生們嘗試Crush平台。
另一會員真實成功配對個案，B先生深深感受到月老為其著緊嘅真心，最後亦因為月老嘅用心跟進而成功配對，找到理想另一半。
另一個Crush非常著重嘅重點，就係明白網上識人有時好難分辨真實性，亦有唔少人並非認真搵對象只想玩玩吓，咁樣好浪費時間同心機之餘，仲有機會被騙。Crush月老為咗確保參加者可以安心，會同所有會員面試，確保真人真資料同有心搵伴侶，減少貨不對辦嘅可能性，讓人人都可以安心放心尋找其專屬另一半。
地址：中環擺花街12號合成商業大廈14樓
*Source: CRUSH
