提起演藝圈中模範夫妻，相信大家第一時間都會想起「愛妻號」陳豪（阿Mo） ，與太太陳茵媺（Aimee）結婚11年仍然愛得如膠似漆，陳豪更不時大送限量版名牌手袋給太太，愛妻行為令人羡慕！早前陳茵媺在IG貼出與老公陳豪的合照，二人甜蜜放閃之餘，手中白色手袋引起大眾關注，仔細一看發現這款袋炒價約值60萬元？
▼陳茵媺、陳豪恩愛靚相▼
陳茵媺分享與老公恩愛合照 不經意晒出60萬Hermès袋？
港姐出身的陳茵媺與視帝陳豪於2013年結婚，婚後育有兩子一女，一家五口家庭幸福美滿。自下嫁陳豪後，陳茵媺便專心相夫教子，但不時亦會在社交平台上分享生活點滴，最近她於IG曬與老公陳豪的合照，二人高調放閃曬恩愛。
照片中可見，陳茵媺不經意展示手上的手袋，仔細一看原來是Hermès鱷魚皮Birkin 25手袋，翻查資料，現時這款手袋炒價約值60萬元，難怪連龔嘉欣看後也留言：「o pretty !!! And nice bag」。
相關帖文：愛妻號陳豪情人節送Hermès手袋 陳茵媺家中名牌手袋最少值200萬！曾送炒價30萬限量版
陳豪狂送太太Hermès袋 寵妻寵上天花板
事實上，陳豪並非第一次送靚袋給太太，去年情人節期間亦曾送出陳茵媺最愛的Hermès作為禮物，並寫上「My Forever Valentine」，真係相當有心思。
有留意開陳茵媺IG，便會發現她的照片中經常出現Hermès同系列不同尺寸的手袋，甚至一袋買下多色，當中包括Birkin、Kelly、Picotin Lock等，就連Hermès近年重新推出的第2代Kelly都有，粗略估計總值最少200萬元，陳豪的愛妻行為令人羡慕，難怪被網民封為「寵妻天花板」。
呢款限量版Hermès袋有錢都未必買到
提到陳茵媺最值錢的Hermès手袋，相信一定是2018生日收到的限量版Constance，有指這款限量版手袋定價約12萬港幣，而且炒價更高達30萬港幣，名符其實有錢都未必買到，難怪事後陳茵媺在IG上感謝老公，「I love my new limited edition present from Italy! thank you baby!」。
陳豪激罕高調發表愛妻宣言自覺虧欠老婆陳茵媺
陳豪於2007年憑《溏心風暴》「得得地」一角成為雙料視帝，談到相隔16年再奪最佳男主角寶座，陳豪坦言心情更平靜及更有信心。陳豪續指雖然抱著一定信心，但在正式宣布賽果前心情仍難免戰戰兢兢，直到在太太陳茵媺（Aimee）手上接過獎項才定下來，並坦言從太太手上接過獎項份外感激：「係好special，難得由我太太頒畀我，其實最想我攞獎嗰個反而係佢。我嘅壓力係……我都想畀一個喜悅佢，但唔敢肯定畀唔畀到佢！最後宣布結果嗰吓我係開心嘅，再開心係能夠喺太太手上攞呢個獎。」
入行30年的陳豪在演藝之路曾歷高低，如今相隔多年第二度再摘視帝自然感受與第一次有所不同，陳豪形容現時自己「目光不僅只在獎項上」，最重要是為自己印證了走上演戲道路是正確的，並謙稱當年得獎有運氣成份：「依家（我）能力係咪去到好高，唔係，但16年前個獎的確大過自己。係咪演得唔好，又唔係；係咪演得最好，都唔係，嗰時運氣比較好。」
陳豪憶述當年由模特兒踩入電影圈，起初其實是抱著搵錢心態「雙線」發展，後來有感當模特兒既空虛又不實在，故才專心向演戲進發。萬事起頭難，陳豪加入電影圈後的首部作品就是三級片《晚九朝五》，正當發展並不理想、就在感到心灰意冷之際，陳豪獲行內人提議加入TVB，並靠著努力一步一步捱到今天。
陳豪亦坦言要在娛樂圈闖出一片天，信心堅持缺一不可：「娛樂圈係好虛無嘅嘢，能夠闖出一片天空出嚟，可能係十年後、甚至廿年後（嘅事），睇你自己嘅信心同堅持到幾耐。」陳豪又指當年因聲帶有瘜肉動過手術以致聲沙，之後獲現為戲劇製作助理總經理的曾勵珍（珍姐）親自提點當演員必須調較好聲線；自此阿Mo不斷練習讀報紙，甚至鑽研眼神演技等。
談到事隔多年選擇以沙啞聲線演繹患有末期肺癌的「文華」，陳豪坦言是博一舖：「觀眾受就受，唔受就唔受。」陳豪又笑言不太敢翻看自己以往影視作品，除了自揭兼自嘲自己在首部TVB劇集《妙手仁心II》中經常「插袋」扮有型外；在首部古裝劇《洛神》又幾乎每一句對白都NG 50次以上，幸獲同劇鄭子誠提點；他又笑言曾將「瞻前顧後」講成「擔前顧後」，相當搞笑。
最後，「愛妻號」陳豪隔空向老婆陳茵媺發表愛的宣言，感謝對方願意於事業黃金期時選擇結婚、為他生兒育女，並直言自覺虧欠太太：「我好支持佢出嚟拍戲，尤其小朋友開始大，想佢追求番自己夢想。」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】Care Bears™ x Grace Gift 人氣聯名系列🎀
↓ 帶走小熊CAP帽／半月包／中筒襪等單品🔥↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
