TVB台慶劇《黑色月光》昨晚（12日）一集，飾演蔣基俊的馬志威演技大晒冷，其實自劇集首播以來，馬志威的演出一直備受認同，將叛逆、渣男的特質發揮得淋漓盡致。馬志威近日接受TVB訪問時，亦剖白了於27歲之齡才加入演藝圈，一路走來至今39歲的心路歷程，大爆曾於疫情期間患上情緒病。
馬志威曾因幾個月冇工開患情緒病
自認過往是「工作狂」兼「完美主義者」的馬志威，坦言用了十年時間才學懂放鬆；出道一年便有幸拍攝電影兼擔任男主角的馬志威，演藝路其實亦並非一帆風順，更曾因試過多個月沒有工作、不停懷疑自己，並於疫情期間患上情緒病：「當時隔離得太多次，我試過隔離咗90幾日，困住喺酒店又接觸唔到外界，情緒出現問題。
馬志威專訪自爆小時候是肥仔
我記得一出去就即刻去睇醫生食藥，嗰時斷斷續續都食咗半年藥，嗰半年係唔想見人，但要工作冇辦法，唔使開工就成日匿喺屋企，好驚見人。」談到為何於27歲之齡才加入演藝圈，馬志威笑言當初其實一心想當幕後，更從不認為自己是一名靚仔：「可能以前我係肥仔，小時候自我形象比較低，即使我瘦咗入呢行，都唔覺得自己係典型嘅靚仔 。」
原來馬志威曾接受武術訓練、努力upgrade自己做好拍動作片的準備；之前馬志威為了改編自真人真事電影《入鐵籠》中的MMA拳手角色，一度每日喪操8至10個小時練體能、練肌肉，結果成功於一個月內打造完美結實健壯Body，意志力驚人。
馬志威演出備受認同
談到劇中與前輩尹揚明和郭鋒有對手戲，馬志威坦言獲益良多，並直指與首度合作的鋒哥「唔夠喉」：「我好鐘意鋒哥，好欣賞佢嘅演技，但可惜今次同佢只係得兩場戲。我記得去到現場同佢對戲都會畀幾個選擇佢，睇佢覺得邊個較好，佢都畀咗好多意見我，令到出嚟嘅效果有驚喜。」
馬志威「長髮渣男」路線
以模特兒身份擠身演藝圈的馬志威，曾是人氣MV男，曾參與容祖兒、古巨基、許志安、吳雨霏及Dear Jane的MV拍攝，並憑出眾顏值及迷人酒粒備受關注；之前馬志威再憑內地劇《三十而已》在顏值方面再下一城，飾演事業有成型格渣男梁正賢的馬志威，半剷青短髮配留鬚造型相當出眾，男性魅力爆燈。這次馬志威一改清爽型男style、轉走「褸丘長髮渣男」路線，卻因臉形感覺被拉長、顏值跌watt而引發熱討。
馬志威刻意將自己減到好瘦
原來馬志威這次是刻意選「褸丘風」，據其媽咪文雪兒透露，馬志威足足花了兩天才為角色定妝，並笑言馬志威變髮前後感覺截然不同：「佢真人好乖仔，佢一唔整呢個頭，就成個人乖晒。佢呢個造型做咗兩日，我覺得做得好好。」馬志威受訪時亦坦言，為了投入角色、刻意將自己減到好瘦，相當專業：「個角色瘦係有原因嘅，佢晚晚玩到咁夜、又飲酒又亂嚟，個精神狀態一定係差，你不能夠精神好飽滿去演佢，我鍾意從外形出發，因為係我覺得係由外影響到內，所以定妝for我好緊要。」
」，
App內睇文同睇片可隨時捕捉U Fun彩蛋，
換領現金券及禮品！
↓【送飛🎟️】「領展香港高爾夫球公開賽」四天入場證100張！↓
↓11月21至24日免費睇比賽！超多娛樂活動😍按摩、紋身、高爾夫體驗區！↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
