52歲戴耀明入行逾30年，多年來星途平平，很多時都是擔任綠葉角色，加上經常飾演弱智人士、神經漢角色，更被網友封為「無綫御用傻仔」。早前爆出戴耀明疑是轉行做餐廳侍應，引起大眾關注，事後戴耀明澄清自己並非是轉行，他透露做演員收入不穩定，去茶餐廳打工只是做兼職，想學多樣手藝傍身？
戴耀明無劇拍做兼職侍應維持生計
最近有消息指戴耀明疑似是轉行，到「飲食界富二代」張本立（Billy哥）位於黃大仙茶記做侍應，日前更有媒體直擊他開工情況，除了落單送餐、幫手送外賣外，還會幫忙抹枱、洗碗、倒垃圾。而戴耀明亦有對此作出回應，強調自己並非轉行，因最近未有新劇開拍，幕前工作量大減，所以才會到Billy哥的茶餐廳做兼職來維持生計。
每月收入得1萬幾？1原因甘願做兼職侍應
戴耀明續指，表示自己做兼職侍應已有兩周，一來可以幫補生計，同時他也希望學多樣手藝傍身，為進軍飲食業做好準備，「冇嘢撈就開間餐廳，就學習沖咖啡同埋奶茶」。人工方面，戴耀明自爆「冇乜出人工嘅」，現時每日人工大約是$300至$400左右，1個月都可以賺到1萬幾。
食客以為係拍戲？戴耀明：好尷尬
被問到最難突破的心理關口，戴耀明坦言是服侍食客，「好尷尬，好似做開演員做第二個職業做侍應 」，他試過送餐時被對方以為正在拍戲，有一次幫手送外賣，他更被食客誤會是在拍攝《東張西望》，令他十分尷尬。不過，這份工作也令他有所得著，深深明白做飲食業的難處，除了要兼顧的事情比想像中多，食材成本、租金雜費更是一項龐大的開銷，他直言「飲食業真係唔易做，終於明白點解咁快咁多商店執笠，原來燈油火蠟支出都幾大啊，唔做都唔知」。
戴耀明8字形容新工 感謝Billy哥肯畀機會
戴耀明也有在個人社交平台上轉載相關報道，一方面感謝Billy哥提供工作實習機會給他。另一方面，戴耀明亦分享在茶餐廳工作的體會，他寫道：「又唔係偷又唔係搶...最緊要過到自己就可以了，冇嘢係唔得嘅」。另外，戴耀明更自薦可以跟Billy哥一齊做DJ，「唔係吹水架 ..真係有興趣想做 #電台DJ 架 各界電台高層..請唔請人呀？」
網友大讚是「真男人」：賺正當錢養自己
不少網友看後都大讚戴耀明能屈能伸，心態很好，「真男人」舉動值得尊重，「自力更新，又唔係偷呃拐騙賒借度」、「馬死落地行，能放低身段自食其力」、「賺正當錢養自己係respect」。但也有網友質疑Billy哥存心搵笨，人工出手實在太低，「你咩都做都係得咁少人工？」、「老老實實做個保安都起碼好過做洗碗」。
▼網友點講▼
戴耀明於1991年報讀亞洲電視藝員訓練班，翌年加入亞洲電視，但在1993年離開並考入TVB藝員進修班，翌年成功加入TVB繼續當演員。入行逾30年，戴耀明為「TVB金牌綠葉」之一，參演過無數TVB劇集（如《巾幗梟雄之義海豪情》、《EU超時任務》、《青春不要臉》），去年底更獲得服務無綫第30年金牌。由於經常飾演弱智人士、神經漢或太監角色，戴耀明被網友封為無綫「御用傻仔」。
來源：IG@dia_yiu_ming、HKET、LIHKG討論區
戴耀明台上公然向港姐冠軍露骨示愛 5字宣言令人尷尬
▼▼點擊睇戴耀明向陳曉華公然示愛▼▼
戴耀明向陳曉華公然示愛
早前《巾幗梟雄之懸崖》劇組舉行宣傳活動，戴耀明在台上介紹自己的角色，並大讚陳曉華幫助自己入戲，指陳曉華：「令到我硬晒」，他表示望到陳曉華就會硬晒，拳頭硬晒，令他想強烈的佔有，可以很快入戲。最後更表示：「今次搞唔到希望下次搞到！」令陳曉華在台上不懂反應，只能傻笑回應。
戴耀明「移情別戀」唔揀佘詩曼
戴耀明其後接受傳媒訪問再讚陳曉華是專業的演員，更指陳曉華是個「美而不自知」的美人。有傳媒問戴耀明「新歡」陳曉華與「舊愛」佘詩曼會如何選擇，鍾情佘詩曼多年的他，竟然「移情別戀」選擇陳曉華，指兩人都各有各正，但陳曉華令人有保護的意欲，可以做大男人冇咁大壓力；而佘詩曼則有氣吞天下的感覺，在她身旁只能做小男人，所以選擇陳曉華。
曾暗戀佘詩曼借醉表白
戴耀明17年前因拍攝《金枝慾孽》暗戀佘詩曼，他曾在訪問中透露自己借醉示愛，同佘詩曼講「搵到錢就娶你做老婆」，又直言「好掛住你」，多年後他笑言這是不負責任的說話。戴耀明在節目上大讚阿佘：「佢係一個好正嘅女人，娶佢係一個好多人嘅諗法，唔單只淨係我一個男人，我相信好多男人都喜歡佢」，又認為開口表白有一半成功機會，不開口就永遠都是零機會。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
