近年，香港樓價持續出現下跌趨勢，創2003年沙士後樓市最長跌浪，早前就有港人在討論區發文，大談未來3年全港各區樓價走勢，他在文中引述了一位「有錢佬」的預測，指2028年啟德新樓每呎跌至$8000，當中一區更跌破5千元，並列出4大理據支持其說法，引起一眾網友熱議。
網傳2028年全港各區樓價大跌
近日LIHKG討論區上，有港人以「琴日聽個有錢佬話：2028年，啟德新樓，呎比盡$8000...」為題發文，指出香港未來樓市只會一直跌，其中啟德新樓每呎更低至$8000以下。雖然樓主並未提及「有錢佬」的真實身分，但他引述了對方分析3年後全港各區樓價，詳情如下圖：
▼3年後全港各區樓價分析▼
4大理據力證香港遲早樓價大跌...
樓主表示最初自己也不太相信，「我都有諗會唔會跌咁多？」後來，他想起「有錢佬」當時提出的四大理據，包括地產商投地意欲低、年輕人無意置業等等因素，他認為香港樓價大跌是遲早的事，「睇怕樓價大跌，跌到2028，2029，係必然會發生嘅事 」。
▼4點力證香港樓價會跌不停▼
網友質疑真實性：樓主睇完七師傅咁講？
相關帖文引起熱烈討論，但大多網友表示不相信樓價會續跌，「唔係啩，超哥話經濟好喎」、「而家租金日日升，樓價點跌呀」。有網友質疑帖文真實性，「一句講哂，佢有冇買晒啲樓套現？」、「有錢佬咁得閒同你吹水」、「建築成本無咁低」。此外，有網友發現文中內容，與人氣風水師七師傅的預測有異曲同工之妙，於是紛紛追問樓主此番言論是否來自「七師傅」？
▼網友留言▼
香港有投資3大風險？樓主強調無跟開七師傅
而樓主亦有對此回覆，強調自己沒有留意七師傅的預測，他直言「真係無跟開七師傅，如果佢都咁講就真係巧合」。同時，樓主留言補充道，指「有錢佬」特別提醒他最近要注意香港投資有3大風險，「呢三個風險，只要發生一樣，有錢佬都會選擇將資金轉移去外」。
▼「有錢佬」列香港投資3大風險▼
來源：LIHKG討論區
七師傅預測即將發生金融海嘯 香港經濟「苦過苦瓜」
最近各大討論區上，出現了不少「七師傅：要儘快沽樓，金融海嘯殺到嚟！」、「七師傅最新預言，樓價L形下跌」的帖文，原來早前七師傅在一個網上財經節目，再次分享她對今明兩年香港股市樓市運程走勢。七師傅直言香港今年經濟簡直是「苦過苦瓜」，當被問到是否「苦盡甘來」，她慨嘆道「都未食完，點會甘來呢...」，並再三強調一定會發生金融海嘯，提醒港人要多加小心。
樓市呈「L型」斷崖式下跌 情況如同97翻版
除了金融海嘯，七師傅指出香港樓市現時仍屬高位，但即將需要面對的是「L型」的斷崖式下跌，她奉勸大家要儘快沽樓，「再唔賣就無機會啦」，並表示到時情況如同1997翻版，有心買樓的人切勿衝動入市。
網民反應兩極：係咪神棍 VS 呢個時勢信七師傅
不少網友看後，認為七師傅的分析非常合理，「呢個時勢信七師父跌，好過股神樓神話升」、「佢兩年前已經話跌，仲係話跌幾成，當時完全冇人信」。但亦有網友認為可信度極低，紛紛留言表示「風水都係gimmick野啫」、「但七師傅自己先係咁買樓喎」，甚至有網友表示「佢講L型斷崖式下跌，一年後睇佢係咪神棍」。
▼按圖看網民留言▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
