前TVB小花陳詩欣（Eunice）於2021年嫁給圈外富貴老公，婚後淡出幕前，搬入半山豪宅過少奶奶生活，不時晒名牌袋、旅遊嘆世界，生活無憂，可說是「人生勝利組」。不過，人生在世總會有不順心的事，即使住豪宅同樣會遇上廁所渠塞問題，早前陳詩欣在社交平台自爆家中廁所塞渠，隨後更疑似遭遇詐騙，竟然豪花八千蚊搵「通渠佬」服務？
陳詩欣豪花$8千蚊搵「通渠佬」服務
31歲陳詩欣婚後淡出幕前，積極發展KOL事業與人妻工作，亦不時在社交平台分享生活日常。日前，陳詩欣在IG限時動態大爆家中遇上廁所塞渠，一時心急便在網上尋找通渠師傅幫忙，最終豪花$8,200才解決淤塞問題，令她不禁大呻「原來通渠師傅真係唔可以亂咁搵」。
▼按圖看事件經過▼
後悔做錯1決定花了冤枉錢
陳詩欣表示，自己也很後悔一時心急網上搵通渠師傅上門，才會導致今次一連串事件，她大呻「前後兩日我哋為咗個廁所洗咗八千幾蚊」。同時她也貼上單據，提醒大家找通渠師傅時一定要小心，「留意！張單係唔會有公司名，根本係搵唔返原本第一次整嗰個師傅。」
網民放錯重點：人妻，渠王，你諗到D乜？
有網友看後表示不解，「點解通渠後半日唔好沖廁？」，也有人認為第一位通渠師傅分明是搵人笨，「如果通到，唔係即刻試幾次去唔去到水？」 、「叫你12個鐘唔好沖廁已經係伏」。此外，但亦有不少網民放錯重點，紛紛留言「人妻，渠王，你諗到D乜」、「想幫手通渠」。
▼按圖看網民留言▼
陳詩欣早年參加模特兒選拔而出道，於2017年加入TVB成為旗下基本合約藝人，曾出演過《愛·回家之開心速遞》、《痞子殿下》等電視劇，更因為主持旅遊節目《3日2夜》而人氣急升，擁有絕佳身材比例的她，還被網民封為「長腿女神」。自2021年與電競公司高層陳爾正（Joshua）結婚後，陳詩欣便減少幕前工作，但她仍然活躍在社交平台上，除了會大派福利外，亦不時分享周遊列國照片、曬出自己的手袋珍藏。
▼▼按圖看陳詩欣靚相▼▼
陳詩欣搭港鐵唔知一件事被批離地
早前陳詩欣於在IG上分享了一條短片，內容是她正在港鐵站閘口「嘟」卡出閘，但看起來有點生氣，並向身旁的朋友表示：「影低佢，收$3.9」。原來陳詩欣與友人都以為港鐘入閘後，只要不搭車就不用收錢。
她在文中寫道：「分享一件無聊事，話說今日我同朋友一齊去銅鑼灣TIMES，發現落雨了，她就好醒咁同我講我哋可以喺TIMES入閘然後SOGO出，我哋冇搭地鐵應該唔會收錢～結果...我呢段路收咗$3.9。我老公話點解你們會覺得入咗閘可以唔收錢，又真係！蠢嘅真係要同啲蠢嘅做朋友，真係蠢到冇人有。」網友看後都指她生活離地，紛紛留言批評「有錢人係咁離地」、「基本常識都冇」。
事隔一日，陳詩欣在IG限時動態回應事件，她貼出一張貓貓睡著的照片，並寫道：「勁多人send段新聞給我！#標題黨 #都明白咁樣嘅標題吸引人睇嘅 #冇咩事我入聞先啦」。隨後陳詩欣又出Q&A帖文，向網友收集「一人一條橋博見報」的提議，許多網友認真回應，當中更有人寫道：「原來飛機econ啲位真係好窄」，結果獲陳詩欣親自回覆，「死！我從來冇坐過BUSINESS！我唔夠離地」，又笑稱要盡快搭乘商務艙，才符合自己離地的人設。
相關帖文：31歲TVB女星嫁入豪門 搭港鐵唔知一件事被批離地？連老公都話：真係蠢到冇人有
陳詩欣自爆未來生B計劃
陳詩欣日前在IG社交平台上與網民玩「你問我答」，其中被問到「幾時生番個」時，陳詩欣的回答明顯難掩母愛泛濫，回覆道：「自從同咗契女做咗好朋友之後，天天WhatsApp都覺得小朋友好可愛，放心各位，我會生BB」，因而引起了網民的關注。
陳詩欣與圈外男友結婚超過兩年，一直過着闊太般的富貴生活，不時旅遊嘆世界，做facial、買名牌，生活無憂。由於陳詩欣近一年甚少出現在幕前，不少粉絲都以為陳詩欣與老公熱愛過二人世界，得知原來她也有生BB的計劃時，亦紛紛送上祝福。
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
