有網民在社交平台上發帖申訴，指自己年邁70的父親在紅磡一間雜貨店被誣陷於上月2日偷竊，其父的買餸車不但被強行扣留，更被要求「偷1賠100」索償$3200！事後父親更「激到血壓偏高面到紅曬無胃口食野」，事主形容為「無妄之災」。帖子引來網民熱議，有網民分享自己相似經歷，同時鬧爆店舖「擺明屈錢專呃老人家」，即睇下文了解詳情！
紅磡阿伯慘被雜貨店屈偷竊
近日，1名港女在Facebook「黃埔人•紅磡人•土瓜灣人」群組發文，指其父親在紅磡一間雜貨店購物時被店員誣陷其偷竊，不但被強行扣留數小時，更要求「偷1賠100」，向70歲的父親索償$3200，事主形容為「無妄之災」，其父更「激到血壓偏高面到紅曬無胃口食野」。
▼按圖看完整事件▼
有網民分享自己曾遭遇相似經歷
有人亦留言分享自己在同一店舖亦被屈沒有付款，他指自己與家人在該店新開張時購買了2枝酒，付款$1000，怎料「比完錢轉身就出門口佢哋就大叫話我哋冇比錢」，直言「以後都唔會再去呢度買野」。
網民鬧爆店員︰擺明屈錢專呃老人家
帖文引來街坊一片嘩然，有人認為店舖故意欺負老人家，借此賺取更多利潤，「我覺得佢擺明屈錢 恰啲阿伯阿婆冇記性」、「依間嘢擺明呃+蝦（恰）老人家啦，如果有啲公公婆婆好驚，真係可能比錢解決算」、「欺善怕惡」、「今日香港就係多左呢啲唔係靠正經做生意嘅鋪頭，古古惑惑，專向老人家埋手」、「太過分」和「估唔到而家可以咁痴線」。
亦有網民建議如樓主想進一步追究可考慮尋找媒體幫助和刑事起訴，指「你要出氣先刑事起訴佢非法禁錮恐嚇勒索再民事起訴佢聲譽精神心理賠償」、「報東張西望」、「無權扣留你爸幾個鐘，可以追究告佢非法禁固（錮）」和「賠100，唔賠報警，已經係勒索啦」。
▼原帖文▼
點擊圖片放大
來源︰Facebook@黃埔人•紅磡人•土瓜灣人
」，
App內睇文同睇片可隨時捕捉U Fun彩蛋，
換領現金券及禮品！
【請您食😋】東海堂アローム人氣年糕禮盒㊗
↓ 一盒有齊蘿蔔糕x年糕大滿足💯↓
↓【限時搶⚡】Bheue天然活膚保濕護理系列！↓
↓ 天然成分、溫和有效/全方位呵護孕媽↓
