提到十大藍籌屋苑，相信不少人第一時間都會想到的是「太古城」，地段好，生活配套完善！不過，最近就有港人於討論區發文，指太古城比新建公屋更差，無論在外觀、環境上都相當殘舊，直言「一出門口就玩復古」，引起不少網民熱議。
港人嫌太古城殘舊：仲衰過新起公屋
太古城為十大藍籌屋苑之一，建於港鐵太古站上蓋，整個屋苑分11期落成共61座，合共12,696個單位，於1976年12月開始入伙，屋苑附近設有大型購物商場，生活配套一應俱全，多年來備受不少中產人士追捧，難怪成為港島區龍頭藍籌屋苑。
不過，近日連登討論區上有港人以「太古城根本舊到仲衰過新起公屋」為題發帖，他上傳了一張該屋苑走廊的照片，並配文寫道「入面裝修幾靚都好，一出門口就玩復古」。
從照片見到，公共走廊牆身以紅色印花、黃色磁磚為主，搭配啡色地磚，設計充滿懷舊氣息，設驟眼看如同走入時光隧道一樣。
網民嫌太舊 形容似「骨灰龕場」？
帖文引發熱烈討論，不少網民認同樓主說法，太古城樓齡大，會所設施欠奉，又形容屋苑整體外觀及環境相當殘舊，走廊如同「骨灰龕場」，紛紛留言「可以列入四級歷史建築」、「俾人吹得太大，比盡美孚新邨level」、「賣咁貴，根本就係智商稅」。
▼網民留言▼
網民力數住太古城4大好處
有人讚自然有人彈，有網友指出雖然太古城殘舊，但仍有不少優勝之處，大讚屋苑地段好、生活配套完善，最重要是鄰居質素普遍較公屋為佳，加上呎價又親民，「普通打工仔要生仔女，仲有咩好選擇得過太古？」、「太古城係舊，但唔會用公屋比啦」。
綜合各網民意見，以下列出網民認為住太古城的4大好處：
1.鄰居質素高
2.生活配套完善
3.地段好，港島返工好方便
4.用料實在且間隔實用
來源：連登討論區
深水埗二手樓「靈堂風」詭異裝修 網民笑成屋變咗廁所咁
近日有網民透過連登討論區分享，在深水埗一個二手單位內見到的有趣裝修風格，更形容是「靈堂風豪裝」，附上多張單位的內部相片，引來多番熱議。
▼單位相片▼
從相中可見，單位內全屋都採用「瓷磚」設計，包括牆身、地下均使用同色系的花紋瓷磚，涵蓋客廳、廚房、睡房、廁所等，除了天花板保持白色，甫入屋便「眼花花」，相當少見。有網民更將相片亮度調整至更暗，呈現出一種詭異氣氛，又指氣氛與台灣赤燭恐怖話題遊戲《還願》幾乎一樣，令人直言「好恐怖」。
網民：好似成屋變左廁所咁
樓主未有透露單位的其他詳情，不過已經惹來不少網民留言，有人認為單位裝修風格與電影《爸爸》相似：「咁似爸爸套戲」、「好似成屋變左廁所咁」；亦有人估計單位已有一些時日，「感覺係啲好舊嘅唐樓，係啲嫲嫲爺爺屋企feel」、「呢啲係六十尾七十頭裝修風格，全屋花磚，當年唔係窮人裝修...深水埗西環灣仔啲舊樓有唔少」。至於採用牆身鋪滿瓷磚，有人就擔心天氣潮濕或出問題：「回南天要開幾多部抽濕機？」、「睇相都又寒又濕」。
▼網民留言▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】原箱茄汁味波浪薯條↓
↓ 波浪形切口更加香脆｜酸酸甜甜，惹味滿分↓
↓【限時搶⚡】SMS Cosmetics UV雙效紅外線隔離霜！↓
↓ 長效阻隔UV及紅外線｜同時保濕、滋養肌膚↓
