香港大學街訪揭秘學生好有錢？破解HKU專用潮語/名物竟是排隊！
香港大學街訪揭秘學生有錢傳聞！近日記者走入「港一」的香港大學，隨機向十多位同學仔打聽「香港大學學生好有錢」的傳聞，你又知唔知係真定假？有人就透露聽聞在HKU有同學仔「連八達通係咩都唔知」！你有冇聽過大學生之間的潮語「BJ」、「好Champ」又知唔知咩意思呢？即刻去片啦！
即刻去片
破解HKU學生專用潮語
你有冇聽過大學生之間的潮語「BJ」、「好Champ」又知唔知咩意思呢？近日記者走入「港一」的香港大學，隨機向十多位同學仔詢問他們之間常用的潮語，大部份人都異口同聲提出「BJ」、「好Champ」。有同學仔就表示「BJ」就是「博盡」、「博盡無悔」的意思，亦是香港大學學生的口號和精神！而「好Champ」則取之「Champion」的首音，意指「好勁」、「好厲害」。而「過3爆4」、「莊友」等都是「出自港大」的潮語之一。
香港大學名物竟是排隊？
一提到出自香港大學的名物，就有不少同學仔介紹「波記」一間燒味鋪，有同學指「佢個湯底都幾好食，所以波記我好推薦」，甚至大喊「好食！」；亦有被同學仔指「難食」、「只係用嚟推持生命的」學生飯堂之一的SU Canteen，幾位同學仔都直言「比較難入口、比較頹的碟頭飯」、「佢啲蛋同多士係凍嘅，得個麵係暖㗎囉」；另外，有同學仔大爆「排隊」、「冇lift搭」才是HKU名物！在落堂的高峰時間，幾乎所有學生都要排隊等Lift離開Campus！
最代表到HKU學生的一件事
如果要你用一種事件去辨識HKU學生，你會聯想起啲咩？有同學仔就提起港大獨有的「High Table 綠色袍」；亦有同學仔觀察入微發現身邊的同學仔「著衫好睇、通常會化妝，感覺上ABC啲」，或身上總會有這些物件「電腦、Starbucks」、「non-local（學生）可能會買嗰隻熊仔」、「佢哋會掛住寫住HKU的Card holder」等等。
親自揭秘學生有錢傳聞
「香港大學學生好有錢」的傳聞，你又知唔知係真定假？有人就透露聽聞在HKU有同學仔「佢哋唔會搭交通工具，連八達通係咩都唔知」！另外，有同學仔指曾聽聞，甚至目睹「我見其他同學有孭名牌袋」、「炒下股咁囉」、「佢屋企有間上市公司，唔洗做Intern 好Carefree，佢返去承繼家業」、「喺隔離寶翠園買咗個單位，阿爸阿媽比佢，佢就可以返學返得好輕鬆」、「有聽過某某集團，太子女太子爺」；不過，都有同學表示其實好多學生都只是「普通家庭」背景。
大學生理想FreshGrad收入
大學生畢業理想收入有幾多？記者就向多位GenZ大學生打探他們的理想收入，大部份學生都希望至少有$20,000或以上！但你又知唔知最賺錢的主科係邊科？據香港大學的同學仔就分享牙醫、醫生、律師、iBank等，平均收入都有$70,000至$100,000！
GenZ大學生職場最看重一件事
作為「整頓職場」的GenZ究竟在職場上最看重係啲咩？不少大學生都誠實表示返工為了「錢」！亦有大學生盼望「Workplace peaceful啲」、「做自己鍾意做嘅嘢」、「做自己覺得有意義嘅嘢」！
活動資訊
- 地點
港生活人氣本地熱話
✨大派120盒艾草溫熱舒壓貼✨
↓ KO肩頸／腰背痛💆、改善手腳冰冷、舒緩疲勞！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
