公屋商場街市空置率爆升！呢2個屋邨成重災區 吉舖湧現變死場？街坊：個個食急凍菜
房委會轄下商場及街市的空置率空置情況引起關注，據資料顯示，商場店舖空置率為3.73%，而街市店舖空置率則13.32%。Hoy TV節目《一線搜查》早前深入調查發現，發現荃灣區一帶的商場街市的吉舖數目有增無減，其中象山邨及安蔭邨更成為「重災區」。有街坊表示邨內有大批檔口結業，區內新鮮食材選擇有限，慨嘆現在大家都只好到超市買「急凍菜」，生活極為不便！
荃灣象山邨街市步入「死場」？
荃灣象山邨是房委會轄下公共屋邨之一，共有3座樓宇，目前邨內居住人口大約只有6000人，以年老居民居多。但不少街坊認為象山邨生活配套不足，表示現在要去到石圍角或梨木樹附近才買到新鮮蔬菜，「個個都食急凍嘢，邊度有新鮮」、「呢度無咩嘢買了」，居民不得不依賴超級市場的冷藏食品代替每日新鮮的食材。
但荃灣區議員陳振中卻有不同看法，他指出象山邨街市店舖仍有九成租出，只是部分舖位長期未營業。至於新鮮食材方面，他指出，新鮮肉檔早於20年前已經消失，居民早已習慣此現象，反而現時邨內更需要的是醫療設施，「我哋醫生退咗休，佢就無再做，象山邨都係欠缺醫務所，你話係咪需要一個新鮮菜檔，呢個我真係答你唔到」。
安蔭邨情況同樣堪憂...
安蔭邨街市早年生活配套齊完善，買餸選擇多，但自從今年農曆新年後，商場內多間店舖接連結業，原本多元化經營的小型店舖，如今只剩下寥寥可數的幾間店舖仍在經營。不少街坊略嫌街市配套不足，直言「街市都執晒」、「緊係唔足夠，都無咩嘢買」，指邨內只剩下一間雜貨舖、糖水舖、蔬菜檔和水果攤，大部分邨民都要搭車去其他地方買餸，對長者與行動不便人士尤為不便。
公屋聯會主席文裕明表示，安蔭邨的居住人口約有15,600，與石圍角邨相若，若街市經營得當，仍具吸引力。同時，他也呼籲：「街市店舖是社區設施之一，場主應本著一些企業良心、社會責任做好經營」。
網民批評：議員態度冷漠
事件引起關注，但有很多網友直斥議員態度冷漠：「 象山邨個議員完全係闊佬懶理， 一副唔覺得有問題既態度」、「議員答咗衰過唔答」，也有人質疑他低估問題嚴重性，紛紛留言「空置率和開鋪率是兩回事來，說甚麼空置率低，只是他們用來當貨倉用」、「成個場吉既佢都仲可以話空置率得一成」。
▼網友點睇▼
最大原因是舖租太貴？
有網友指出租金高昂或是導致檔販撤退的主因，「舖租太貴，業主唔減租，講咩都冇用」，另有留言認為，象山、安蔭、梨木樹的地理因素也是癥結之一，「地理位置本身就難吸客，唔重建都無解」。
來源：節目截圖
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【招募試食員🐱】送Harlow Blend全新貓糧系列！↓
