香港新人火鍋放題店擺酒！結婚派呢樣嘢當餅卡獲大讚！ 出席者爆人情只要呢個數...
火鍋放題店擺酒？近日，有港人在社交平台上發文，分享自己出席一對新人婚宴的經歷，地點竟然不是在酒樓或酒店，而是在火鍋放題店，令他感到非常新奇。他指在火鍋放題店包場不但支出較傳統婚宴少，賓客們又可以「食得開心」，可謂一石二鳥。新人們送上一物當餅卡，傳統新穎兼備，獲長老親戚大讚實用，更透露人情只要呢個數！即睇下文了解事件詳情！
新人結婚火鍋放題店擺酒
日前，一名港男在Threads上發文，指自己出席一對新人的婚宴，竟然「唔係酒樓，唔係去酒店擺酒。」，而是「包咗間火鍋店放題。」
樓主續指「因為好多餐廳晚市平日都無客」，認為在火鍋放題店包場，可能會較酒樓或酒店更便宜，令新人「支出少啲」，加上「位位自助任食」，「（賓）客又食得開心。」，可說是兩全其美。
新人派呢樣當餅卡？獲長老親戚大讚實用！
樓主留言補充指，這對新人非常有新意，不派餅卡，而是派唐記包點的蒸飯換領券，此舉「無人鬧之餘」更獲「班長老同親戚大讚實用啱食」。
有網民指這對新人這行為「都好慳錢喎」和「cheap咗少少」，有網民反駁指「cheap唔cheap睇你個人點睇，結婚擺酒到係做show畀人睇。」和「cheap 唔cheap 睇你點食姐。」樓主亦留言指火鍋放題婚宴有「和牛」食，「食$399和牛餐都cheap？你自己食放題都唔會捨得食啦。」
有網民關心人情是多少，好奇是否可以「封少啲」，樓主回覆指自己封了$500作人情，對比新婚生活易（ESDlife）早前公布的人情公價，酒樓及酒店的人情中位數為$800-$1000，可見樓主是次火鍋放題店婚宴的人情較傳統婚宴低。
網民大讚：真係好提議喎
不少網民大讚在火鍋放題店擺酒既慳錢又美味，「正喎，可以著casual少少輕鬆食一餐，同埋揀自己鍾意食嘅嘢，最緊要個個開心。」、「有時婚禮唔使豪，氣氛到，人舒服，已經好圓滿。」、「一餐飯，好食，地方舒服，做到婚宴重點功能，就夠啦。」、「真係好提議喎，又可以幫下啲小店。」和「正啵，何必咁保守，應該多啲新思維。」
另有人指自己4年前結婚擺酒亦是打邊爐，「我4年前結婚擺酒就係打邊爐，因為屋企人最愛但我間餐廳唔係放題，嗰晚包咗成間餐廳俾親戚朋友暢飲，隔兩日我就移民了」。
▼原帖文▼
來源︰Threads@alam250203
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
【樂迷注意🎧】送您音樂串流App 3個月禮品卡！
