應屆生考完DSE想cut綜援自立！社署1句話令人卻步！港人超沮喪：逼自己成世攞綜援？
最近，一名應屆DSE考生網上發帖，指自己原本打算考試後開始兼職，以減輕家庭經濟負擔，甚至希望退出綜援計劃，但社署的一句話令他卻步，更一再疑惑自己是否要被逼「成世攞綜援」？事件引起熱議，不少人質疑社署制度過於僵化，變相「懲罰」了努力上進的人，當中更有網民力勸樓主，紛紛留言：「唔好搞咁多野」、「照攞啦，未來有能力再幫返有需要嘅人」、「你返ft先放棄綜援啦」。
想靠自己cut綜援 反變連累屋企人？
該名應屆考生在Dcard發帖，他在文中交代其家庭背景，指自己與爸爸同住公屋，但由於爸爸患病身體差，沒有工作能力，一直以來一家人都是依賴綜援金維生。樓主表示，原本打算完成DSE考試後開始兼職工作，希望擺脫對綜援的依賴，「覺得自己有手有腳，唔想再靠綜援」，卻沒想到社會福利署（下稱 社署）的一句話令他卻步了...
▼即睇事件經過▼
社署：會cut埋阿爸份綜援
樓主就此詢問社署職員，獲對方告知無法單方面退出，「話因為我同阿爸一齊攞綜援，係以家庭式咁計，唔可以單獨就咁cut我」，並強調會在他有收入後「cut埋我阿爸份綜援」。
港人不甘：唔通真係要逼自己攞成世綜援
對此，樓主感到徬徨無助，一方面爸爸身體差，沒有工作能力，「佢唔可以冇咗份綜援」，而且自己亦未有能力供養爸爸，他語帶無奈道「我顧得掂自己已經好好」。同時，樓主亦擔心之後開始有收入而仍居於公屋單位內，其收入將被視為家庭總收入的一部分，導致父親的綜援資格可能亦會被取消，遂發文問：「如果有收入係咪要搬出去住定點？但我而家呢個處境根本冇能力搬出去，但我唔想影響佢...真係好焦慮，我唔知點算...唔通真係要逼自己攞成世綜援...」
網民力勸：你返ft先放棄綜援啦
帖文引起網民熱烈討論，有人批評社署制度不夠人性化，也有網民力勸樓主在未有穩定收入前，千萬不要輕易放棄綜援，「其實而家市道唔好，工唔係咁易搵」、「照攞啦，未來有能力再幫返有需要嘅人」。
▼網民點睇▼
講明一返兼職就停綜援？社署建議寫「衰仔紙」
樓主其後補充指，社署職員提到現行制度以「家庭為單位」處理綜援，無論其本人是否領取資助，只要與受助家庭成員同住，即不能有任何的收入。換言之，即使他在未來成功申請學費資助，若在就學期間進行兼職工作，也可能對父親造成連帶影響，導致對方失去綜援資格。
而社署亦建議，若希望避免父親受影響，他需要簽署一份不供養父母證明書（俗稱「衰仔紙」），以證明二人互不供養，「咁先可以保住阿爸份資助，同埋我又可以上左大專返pt幫補下」。
來源：Dcard
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
