公屋寬敞戶首派即畢業！鋪地磚+海景+免3個月租金！網民羨慕：裝修費都慳返！
最近，1名港人為公屋寬敞戶，1個月即獲調遷，單位不但有海景，更保留了上一手的裝修，而且還免3個月租金，令樓主直言「開心過中六合彩！」，網民對此亦大感羨慕「裝修費都慳返！」，即睇下文了解事件詳情！
公屋寬敞戶首派即畢業！
近日，1名港人在facebook「公屋討論區」群組上發文報喜，表示自己為寬敞戶，首派一人單位即畢業，不但「上手靚裝保留」、「免3個月租金」更可「遠眺科學園海景」，而且亦獲煤氣公司贈送的單頭煮食爐，直言「開心過中六合彩！」。
樓主亦提醒網友「入伙前要交一個月按金 + 兩個月租金！」，而且屋內「煤氣熱水爐喺廚房，沖涼唔怕中瓦斯毒，廁所有落腰大窗口唔係黑廁！鹹淡水管全部在外牆唔怕爆喉水浸屋！」。
樓主亦留言補充更多細節，指「屋邨主任知道我老豆釘咗，冇耐即刻打電話同我講要申請寬敞戶調遷。交回表格大約1個月多啲已經有第一次安排！」，由原本的恆安邨搬到頌安邨，單位月租$1,600，面積約115平方呎，屬和諧Y型。
網民羨慕：裝修費都慳返！
帖文引來大批網民討論，不少人感到羨慕，並恭喜樓主順利畢業，指「裝修費都慳返！」、「地台、地磚都唔使做，又可以慳返啲」、「個地板真係好靚喎」、「正喔，有海景，私樓都未必有」、「頌安好吖，有一個大商場，行去恆安站或馬鞍山站都方便」、「好正喎，恭喜晒呀」和「一人單位真係超級大呀」。
什麼是公屋寬敞戶？
根據房屋署有關公屋調遷的資料，指如公屋住戶在入住單位一段時間後，家庭狀況發生轉變，如家庭成員遷出、離世、結婚、移民等原因而刪除戶籍，餘下的住戶可享有居住面積超逾既定的編配標準，成為寬敞戶，並遷往房委會認為居住面積符合其家庭人數的公屋單位。
▼原帖文▼
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
