《女神配對計劃》被質疑「有劇本」製造話題 主持林盛斌Bob發長文作出三大澄清

主持林盛斌Bob發長文作出三大澄清

針對有網民質疑只是節目效果，更直指節目有劇本的質疑，主持人Bob隨即在社交平台Instagram發布長文，代表製作單位對網民的三大疑問逐一澄清。

 「係咪一早寫好晒劇本？」

首先，針對「是否有劇本」的質疑，Bob斬釘截鐵地表示，整個節目絕對沒有任何劇本。他強調，無論女神還是參加者，製作單位都未曾要求他們進行任何配合或預設發展，直言這是一個「好純粹的戀愛真人騷」。

「 嗰啲女神係咪一早已經識嗰啲男仔？」

其次，對於「女神是否一早認識男嘉賓」的疑問，Bob解釋指，節目籌備期間，女神們曾在各自的社交平台呼籲有興趣的男士自行報名。他不排除部分報名者本身與女神有所認識，但明確指出，所有女神在節目錄製前，完全不知道最終有哪些人入圍參與，她們是在首集錄影時才第一次見到入圍者。

 「好人好姐點會參加吖，啲男仔係咪「媒」嚟㗎？」

最後，對於「參加者是否為節目安排的『媒』」的質疑，Bob澄清所有參加者都是透過網上申請和報名，經過製作單位和「花生團」層層篩選才得以入圍。他同時呼籲觀眾應欣賞所有參加的男士們，因為面對鏡頭進行海選面試、向女神表露心聲，以及節目播出後可能面對的指指點點，確實需要極大的勇氣。Bob直言：「你唔想或者你唔敢參加啫，唔代表冇人願意玩」。

+4

+3

點擊圖片放大

Bob在文末更預告，節目往後的發展將會「好X癲」，充滿笑聲、淚水、驚喜、失望、感動及反高潮，呼籲觀眾繼續收看。

Bob全文如下：

因為做嘢睇唔到電視直播，
今日上網睇返尋晚嗰集。
黐鬼線，我覺得，真係好好睇。
唔知有冇人同我一樣，一路睇，一路心心眼，
一路個嘴角微微向上，好傻仔咁，喺度甜笑，
唔知點解成個人好似代入咗，有少少冧冧豬咁，
特別係GM同葉蒨文呢段，真係令人又開始相信愛情。
我見到有部份網友都提出咗一啲疑問，
作為節目嘅主持人，我想代表製作單位回應少少：
1） 「係咪一早寫好晒劇本？」
成個節目，絕對冇任何嘅劇本，無論女神定參加者，
我哋完全冇要求過佢哋夾埋要做啲乜嘢，要點發展，
簡單啲講，呢個真係一個好純粹嘅戀愛真人show
2）「 嗰啲女神係咪一早已經識嗰啲男仔？」
喺籌備緊節目嗰陣，幾個女神喺自己嘅社交平台呼籲，
叫所有想追求佢哋嘅男士自己申請同報名，
咁唔排除有部份報名嘅人佢哋本身同女神係認識嘅，
而所有女神都係唔知道最後有啲乜嘢人參與，
佢哋都係尋日嗰集先至第一次見到嗰啲入圍參加者
3） 「好人好姐點會參加吖，啲男仔係咪「媒」嚟㗎？」
所有嘅參加者，都係自己透過網上申請同報名，
經過製作單位同花生團喺所有面試者入面篩選，
先至去到好似尋日嗰集咁，俾女神去選擇，
同埋我覺得大家真係要欣賞所有參加嘅男仕，
其實要對住咁多個鏡頭同我哋進行海選面試，
入到圍之後要同班女神講出自己嘅內心感受，
仲要面對節目出街之後好大機會俾人笑同指指點點，
確實係需要好大好大嘅勇氣先至做得到，
所以我係非常十級尊重佢哋，簡單啲講，
你唔想或者你唔敢參加啫，唔代表冇人願意玩
我可以預告一下，嚟緊所有人嘅故事發展係好X癲，
充滿住笑聲、淚水、驚喜、失望、感動、反高潮。
之後每個星期日晚嘅九點，大家繼續睇吓電視啦。

【延伸閱讀】