大家樂$20焗豬扒飯引瘋搶！超過4萬人排隊買？網上湧現大量黃牛索價呢個數...
早前大家樂宣布正式為其名物「一哥焗豬扒飯」申請列入香港非物質文化遺產，並發起全民集氣活動，同步推出一套20張的「一哥焗豬電子套票」。消息一出隨即引爆搶購潮，吸引逾萬人網上排隊購買，場面猶如搶演唱會門票，甚至引來黃牛炒賣！不少港人抱怨根本搶不到套票，直指網站排隊系統有問題，懷疑有人「打尖」或內部優先認購，更有人無奈直言「難買過BLACKPINK」。
大家樂新推$20焗豬套票
最近，大家樂招牌菜「一哥焗豬扒飯」申請成為香港非物質文化遺產（簡稱「非遺」），今個6月更推出超值優惠價，一套20張的「一哥焗豬電子套票」只售$400，平均每份焗豬扒飯只需$20（原價$49），全線大家樂分店適用，真係好抵買！
相關帖文：
過萬人排隊搶購 猶如搶演唱會飛
上周五（6日），大家樂率先推出限量300套的「一哥焗豬電子套票」，一開賣即引來全城瘋搶。有港人在討論區分享自己在大家樂網站排隊預訂的截圖，可見等候人數一度突破1.2萬人，輪候時間更長達10小時以上，場面猶如搶演唱會門票一樣，開賣不久便火速售罄，認真誇張！
為此，大家樂宣布加碼再推出一輪「焗豬電子套票優惠」，今日（13日）中午12時起起再度發售，同樣是$400一套20張「一哥焗豬電子套票」，限量300套，數量有限，售完即止。
港人抱怨買唔到：有人打尖？
今日限量300套的「一哥焗豬電子套票」很快被搶購一空，但不少港人抱怨根本搶不到，並指出大家樂網站的排隊系統疑似出現問題，不時有人「打尖」，導致原先排隊較前的人一直被往後移。有網民不滿表示「點解我排緊2000，無lala彈左去12000？」、「明明排緊2千9之後一變再變到13589」、「我都係，明明4千幾，變12xxx，宜家4萬幾」，一眾港人怨聲載道，更有人直言「難買過BLACKPINK」。
網民2原因質疑根本買唔到
有網民對於套票火速售罄表示質疑，紛紛猜測是否被黃牛或「自己友」優先掃貨，「有都俾黃牛搶晒」、「大部分都係拎去Carousell賣」、「原來有人成套拎去炒…幾個同事夾份，百零蚊食三四餐」。亦有人直言「係咪俾自己友買晒？」，質疑限量套票根本未能真正流入普羅市民手中。
▼網民留言▼
網上湧現黃牛 最貴賣到每張$39？
記者翻查香港二手買賣平台Carousell，發現已有大量賣家出售「一哥焗豬電子套票」，每張售價介乎$28至$39不等，部分更已標示「全部售出」。此外，更有賣家推出「多買多送」優惠方案，「大家樂焗豬扒飯31蚊，買五張送2張飲品卷，買十張送5張飲品卷，買20張送10張飲品卷，飯加飲品卷買一套（特價34）」。
來源：FB@大家樂Café de Coral、連登討論區、連登討論區、Carousell
大家樂焗豬扒飯申請列入香港非物質文化遺產
康樂及文化事務署（康文署）非物質文化遺產辦事處（非遺辦）6月舉辦首屆「香港非遺月」。連鎖快餐品牌大家樂就早前（5月30日）宣布正式為其名物「一哥焗豬扒飯」入紙申請列入「香港非物質文化遺產」！唔知有冇機會升Level成為「香港非遺一哥焗豬扒飯」呢！
延伸閱讀：大家樂一哥焗豬扒飯申請非物質文化遺產！獲港人力撐「香港味道」世一
大家樂名物一哥焗豬扒飯
屹立香港逾半世紀的「一哥焗豬扒飯」，以其金黃芝士與秘製茄汁的配搭成為港人集體回憶。而一哥焗豬扒飯就是將厚切帶骨豬扒，沾上蛋漿先煎後炸，再烤焗令豬扒味道進一步昇華！由1968年至今一哥焗豬扒飯陪伴港人一代又一代，可謂每位港人都一定食過，一哥焗豬扒飯就成為代表香港的經典味道！
港人大力支持：就係香港嘅味道
大家樂更於其社交媒體發起全民集氣活動，越多Like就會陸續送出越多獎賞予港人，引起了不少網民留言支持，有網民留言「以後朋友嚟香港我都可以同佢介紹呢個係香港非遺嘅一哥焗豬扒飯！」、「世一焗飯無可取代堅係香港人回憶！」、「呢個味道，就係香港嘅味道」，即睇其他網民點講！
港生活人氣本地熱話
↓請您去英匯劍擊學院小小劍士體驗及實戰班↓
↓額外免費體驗一次Fencing Night實戰班↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
