港男嚴選十大優質公屋！第一名港鐵直達兼望海景！網民質疑：世一富昌邨都無？

港人列香港十大公屋

近日，有網民在Threads上發文，分享自己經過分析後，全港最好的十大公屋，並接受網友們分享己見，以下為樓主所列出的10大公屋詳情︰

▼ 第10至7名 ▼ 

第10名是「興華一邨」，因鄰近柴灣站且「配套環境唔算差」，「將軍澳怡明邨」除了交通方便外，因有將軍澳南海濱長廊，位居第9。

第8名是「西環觀龍樓」，因有中西區名校網又有海景，第7名則為「香港仔石排灣邨」，不但「搭𨋢直達香港仔」，更有海景及有幾幢是居屋質素。

+2

點擊圖片放大

▼ 第6至4名 ▼ 

「藍田邨」因屬「同區最新」，有街市和商場且沒有鼠患問題排名第6，第5則是「牛頭角下邨」，除了「買嘢方便」和鄰近九龍灣站，同時樓齡細，高層風景好。

第4名是「紅磡邨」，不但鄰近黃埔站，更擁有新舊區優勢，樓主直言「樓齡唔大又旺中帶靜」。

點擊圖片放大

▼ 第3至1名 ▼ 

「葵芳邨」獲第3名，因有地鐵直達，又鄰近葵廣，樓主直言「配套買餸行街做運動都OK」，而「樂富邨」因在地鐵上蓋，位於九龍地理中心，同時環境清靜又乾淨位居第二。

第一名是「筲箕灣愛東邨」，不但有地鐵直達，樓齡可接受外，而且部分單位有海景，民生小區配套又齊全，加上20分鐘直達銅鑼灣，非常方便。

點擊圖片放大

網民提問為何心水屋苑沒有上榜

帖文引來大批網民討論，不少人提問為什麼一些屋苑沒有上榜，指「油麗邨無份真係好離譜」，樓主解釋因油塘位置遠，而且「個社區環境又差過將軍澳好多 所以入將軍澳冇入佢」。

亦有網民詢問「富昌邨點睇，廿年樓齡，近南昌站 V walk，旺中帶靜 行返去深水埗都唔遠」，樓主表示「有諗過但冇擺 行去深水埗要日曬雨淋，上榜屋邨好多都再旺中帶靜一啲，同埋打從起咗榮昌同V Walk起咗之後，居住環境惡化咗少少」。

有人指「啟鑽苑都冇點搞呀」，樓主稱因「附近太多馬路同樓喇」，所以沒有上榜。另有人問及「啟晴邨都冇？」，獲樓主認同指「呢個同德朗（邨）漏咗，應該打得低柴灣同石排灣at least（至少）」。

+2

點擊圖片放大

來源︰HKET圖片庫, Threads@moses_bob_wong