拼多多無預警與順豐終止合作！網民轟：玩爛咗！平台稱派送時效不受影響！即睇已落單商品最新安排+補償
內地電商巨頭拼多多無預警終止與香港順豐合作，引爆用戶不滿。有網購商品遭臨時轉由其他物流公司派遞，但自提點營業時間與上班族發生衝突。網民質疑「順豐做唔住爆倉而停止合作」，更有人預言「冇咗順豐，拼多多好快玩完。」平台回覆大派定心丸，稱「派送時效不受影響」，並補發優惠券，但網民直言「冇順豐就冇吸引力。」
拼多多與順豐終止合作
淘寶勁敵、內地電商平台「拼多多」去年年底開始以一件包郵到港，及與香港順豐合作作招徠，吸引大批港人透過該平台網購。截至2025年，拼多多的活躍用戶已達9億。不過「無門檻包郵到港」計劃推出僅半年，昨日（7月1日）有網民發現拼多多下單時無法選擇香港順豐的自取櫃或自取點，發現雙方已停止合作。
香港用家：應該唔會再玩拼多多
有苦主表示於6月30日前網購的商品已入庫，但已經被轉成其他物流公司，擔心新速遞公司的服務水平。有網民直言「冇咗順豐我好唔方便等所有貨嚟到，我應該唔會再玩拼多多」、「自提點啲時間完全唔方便，而家啲件攞唔到唔知點算」、「其實好多人都係貪平，貪一件包郵先至用拼多多嘅啫。」不少用戶擔心早前購買的訂單會被轉去較偏遠或時間不合的自取點，「我有3件貨由順豐轉咗去極兔，雖然都係附近自提點，但係自提點6點就關門，我啱啱先放工咋，仲要搭車，都唔知點拎。」
網民批拚多多貨品太多 「玩爛」順豐
雖然順豐自取點及自取櫃數量多，但難抵港人網購購買力，平台需要處理大量集運訂單，自取櫃經常爆滿，自取點大排長龍，有網民認為是順豐應接不暇而選擇停止合作，「佢做一件local嘅件好過你做5單拼多多, 而家拼多多搞到佢哋啲自提櫃成日冇位， 好多商業客走咗。」
亦有人猜測拼多多無門檻包郵到港的銀彈攻勢放緩，「其實玩完係遲早嘅事啦，啲錢無可能永遠燒落去，擺明蝕住做！」、「錢又少 貨又重又臭」、「佢迫瓜左淘寶，係倒貼順豐，而家唔倒貼，一定會停用」、「其實拼多多咁樣燒錢法，個包郵到港應該好快好似淘寶咁玩爛。」
拼多多：受影響訂單可獲3元券補償
本網記者向平台查詢，證實拼多多與香港順豐物流已停止合作。如目前有未完成的順豐承運香港集運訂單，平台將會安排其他快遞完成二段物流派送，並稱「派送時效不受影響。」至於順豐進行中未完成的訂單，每個合包單可獲發3元無門檻券作為補償。至於香港順豐今日回覆傳媒時表示，與拼多多的香港集運物流服務的合同已於6月30日到期，香港順豐現已停止為拼多多提供本地集運物流服務，感謝各位的支持與理解。
港生活人氣本地熱話
【送您🎁】「民坊 X Usagyuuun 小突兔限定精品套裝」
↓5款 Usagyuuun 小突兔精品🌟/四大獨特校園主題互動打卡場景📸↓
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
