日本地震預言影響？東京返港航班僅得9名乘客 港人因1事極後悔：蝕咗
日本7月5日大地震預言日子漸近，更疑似影響港人赴日旅遊意欲。有網民於社交平台發文指，6月29日晚乘坐HK Express航班從東京返港，機上僅9名乘客及5名機組人員，場面冷清。坐廉航本應為機票慳錢，但事主就因為一件事感到好後悔，直言「蝕咗」！
港人搭日本東京返港航班 全機僅得9名乘客5名機組人員
該名網民透過社交平台群組分享，日前（6月29日）由日本返港的航班狀況，直言當日乘搭晚上9時25分起飛的航班，發現登機人數廖廖可數，機內出現超多空位，惟事主一早已提前付費揀選特定座位，看到有關場面時不禁大嘆：「仲之（早知）唔買位，蝕咗」。從相中可見，該航班為HK Express客機。帖文隨即引發討論，不少網民猜測航班「空蕩蕩」或與地震預言有關，亦有人分析其他可能原因！
地震預言嚇退旅客？港人估：過咗7月5日就爆滿
網民紛紛留言，指有機會是因為近期日本地震預言，影響港人出行日本計劃。日本漫畫《我所遇見的未來》中曾預測7月5日有大災震，直言「7月5日邊個敢坐？有1%出事都唔會博命」，甚至有人認為「如果單嘢係真，香港一樣玩完」、「噚晚夜機？靚時間都咁少人，真誇張」。不過，亦有網民質疑地震傳言的真實性，認為「過咗7月5日之後啲機可能即刻滿番晒」，並指一旦謠言澄清，港人會「重新狗衝日本」。
航班少人與地震無關？網民列舉其他原因
對於航班乘客稀少的原因，有人就認為與地震預言無關，指「架機開燈，即係晚機，係少人啲」；另有網民提到6月30日翌日為七一公眾假期，估計已飛日本的打工仔多數會請1日假期，並選擇7月1日返港「玩多日」更划算，反問「（7月1日）紅日，一係唔好拎假，拎假又專登早一日飛做乜？」「正常人都明天（7月1日）返，玩多日」。亦有網民分享其他航班情況，指「上星期NRT（東京成田國際機場）返HK，HK Airlines（香港航空）爆滿」、「但我上星期搭Airasia沖繩返香港都好滿啊」，質疑事件可能僅屬個別情況。
經濟因素影響旅遊意欲？網民：經濟差唔去旅行
除了地震預言，部分網民認為航班少人反映香港經濟問題。有人指「香港執笠潮開始勁，大家都減低消費儲定多少少」，甚至分享朋友例子，「之前一年去四次日本，而家經濟差返大陸算」。不過亦有反駁聲音，強調「去日本又唔係貴」，並指香港人對日本熱愛未減，「你未免太睇低香港人對日本嘅愛」、「有的是有錢人，唔好睇少香港人啦」。
資料及圖片來源：連登討論區
港生活人氣本地熱話
【出POST即賺💰】立即解鎖流量密碼🔓！
↓立即參加！賺取無上限現金賞💰↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
