女神配對計劃｜李芷晴因一事突襲慘被嚇至彈起尖叫 怕醜仔Jacob原地發呆護花不周
TVB熱播戀愛綜藝真人騷《女神配對計劃》，昨（6日）晚九點播出第五集，本集與組員進行「三角枱約會」的女神有李芷晴（Stephanie）。而製作組為Step三位男組員—金融分析師林焌堯（Jacob）、保險經紀劉偉強（Isaac），及西裝店老闆陳昇（Jaden）設計的關鍵字回合考驗為「口味」、「冧」及「舒服」。不過，最後就有小強突襲令甜蜜Dating突變驚慄，李芷晴更慘被嚇至彈起尖叫！
大幅度身體接觸李芷晴
在最後一關的「舒服」回合考驗，不但女神李芷晴（Stephanie）對有這麼大幅度身體接觸感到驚驚，就連三位男士都分別出現面紅、顫抖及嚇到向後傾等小動作；配以Step純真又迷茫的神情，畫面搞笑又帶點溫馨。最終，Step選了會反將頭枕向自己的Issac，Issac順理成章成為Step主菜飯腳！
李芷晴出難題考驗三位男士
與Issac用餐期間，Step向三位男士開出了一條難題！事緣Step自爆喜歡吃澱粉質，並忽然感嘆：「我咁樣長此落去，突然重到200磅，大家接唔接受到？」Issac聞言：「你減到嘅。」Step事後對此即扁嘴謂：「人老珠黃好難避免，係咪到時你會冇咁鍾意我呢？」此時多數粒聲唔出的陳昇Jaden突然搶韁：「你幾肥我都鍾意嘅！」冧到Step甜笑不斷之餘，花生團江美儀亦忍不住尖叫～至於網民，亦覺得Jaden表現得體、感覺可靠，希望在往後集數能有更多發揮機會。
三戰三負跌入危險區一個原因令Stephanie勁內疚
最終Jacob因為贏出了第一及第二回合，可與Step共享甜品時光；至於同樣贏得Step不少好感的Jaden，則因為吞蛋及不是Step保護名單之人、而要跌入危險區面臨被淘汰危機。其實Step之所以選擇保護Jacob的原因相當窩心：「因為覺得佢比較安靜啲、怕醜啲，好似需要畀人保護多啲。」不過當發現賽果不似預期時，Step則感到內疚：「喺暱稱（第二回合挑戰）度應該畀機會佢（Jaden）。」
西裝店老闆陳昇Jaden為李芷晴親手縫製小方巾勁Sweet
至於Jaden確是相當好人兼有心，不但全程對對手盡是風度，為了表達對女神誠意，更親手為Step親手縫製了一條小方巾：「希望佢有時都可以袋喺身」，勁爆Sweet！可惜Jaden最終未有贏出任何回合，暫仍未有機會送出小方巾。
李芷晴Love Language是Physical Touch
Step與出名怕醜的Jacob共度甜品時間時，雖然都是主導居多，但Jacob明顯在Step引領下說話量激增；其中一幕，Step坦言自己Love Language是physical touch：「要纏住、掂到、攬住，即係我會感受到愛嘅嗰種來源」時，Jacob聞言即指自己也喜歡黐身型女友，並希望對方是真的想了解自己，頓時令Step加分不少。
小強突襲令甜蜜Dating突變驚慄
二人甜品時間期間還發生了小插曲，事緣反應慢半拍的Jacob，當目擊Step被突如其來的小強嚇至成個彈起兼大叫救命時，Jacob的反應竟是呆立當場，之後才戰戰兢兢問：「使唔使幫你…處理咗佢」，但說畢好像幫不了太大忙！
港生活人氣娛樂新聞
↓【請您玩💌】LOST全新LEGO® NINJAGO®密室逃脫🏃！
↓重演《旋風忍者 龍之崛起》場景🥷🏻雙人門票玩咩密室都得😎↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
