港人$43嘆堂食三餸飯 有菜有肉再加送一物引熱議？網友：已發展到去監獄餐地步
兩餸飯可謂香港人的名物，價錢親民實惠、份量十足，加上愈來愈多兩餸飯店設堂食座位，成為不少打工仔Lunch食飯好選擇。早前有港人分享自己在某兩餸飯店的用餐體驗，三餸飯盛惠$43，餐盤上更附有一款生果。帖文一出隨即引起關注，有網民笑言「好似監獄餐」，更猜測店主可能是更生人士；但亦有網民持相反意見，「$43有咁多野，仲想點呀」，直指價錢與份量已相當合理。
港人堂食$43三餸飯 鐵餐盤驚見呢款生果？
近日有港人在Facebook群組「香港兩餸飯關注組」上傳了一張照片，發帖分享他在油麻地一間兩餸飯店的用餐體驗。樓主當日點選蘿蔔牛腩、紅燒豆腐和菜心，三餸連飯盛惠$43，他評價為「一般，唔難食，啲汁調得太濃，牛腩陣騷味好重」。從照片見到，餸菜份量十足，鐵製餐盤分層放餸，上方為三款餸菜（由左至右為菜心、紅燒豆腐、蘿蔔牛腩），而下方則放有白飯以及一顆橙。
似足電影《監獄風雲》情節 網民笑問「坐監咩？」
帖文一出即引發熱議，但最吸睛的不是餸菜，而是鐵餐盤中多出來的一顆橙。有網民聯想到周潤發主演電影《監獄風雲》的情節，笑言這頓飯「似監獄餐」，甚至有網民戲言「漱口杯呢」、「坐監咩？」、「食情懷？」，更猜測該店老闆可能是「更生人士」。
亦有網民形容為「高級醫院餐」，直言「你令我諗起舊年撞車入廠住十七日每日伙食」。另有網民質疑照片真偽，紛紛留言問「個橙係包埋定自備㗎？」、「2餸飯堂食有水果？」更有食客認真表示：「樓主，隻橙係咪你自備架，我之前食都唔包既」。
▼網民點睇▼
連登仔激讚：有菜仲有橙食，爭碗例湯完美
相關帖文更被轉發至連登討論區，有港人以「兩餸飯已發展到去監獄餐地步」為題開帖討論，引起網民熱烈回應。有人認為店家誠意十足，「$43有咁多野，仲想點呀」、「好過人類飼料啦，仲送埋舊橙，仲想點？」、「屈機，有菜仲有橙食，爭碗例湯完美」。但也有網民認為，「嘢食冇問題，主要係個盤太似監獄，一見就有聯想」，隨即有人打趣回應：「咪屈，監獄餐邊有咁好。」
來源：FB@香港兩餸飯關注組、連登討論區
《Chill賞放大假》請您去海洋公園！
↓ 立即參加，免費去夏水禮🙌↓
↓【限時搶⚡】賞您SmileLife™ ProMov骼動 專利蛋殼膜「精準」關節配方↓
↓針對關節痛症、退化、勞損｜最快5天特強關節減痛↓
