港人派東涌公屋住足5年 大讚5優點直言住到唔想走？網友稱一類人先適合住
東涌到底是理想家園，還是交通孤島？近年東涌大規模發展，搬入的居民逐漸增多，最近社交平台上一則關於東涌居住環境的帖文引發熱烈討論，有街坊力撐「住落唔想走」，但有人直斥交通費貴、校網弱，甚至直言「唔洗返工，退休就好」。
港人獲派東涌公屋5年：住落唔想走
最近Facebook群組「公屋討論區」上，有港人發帖分享獲派東涌公屋的經歷。他坦言：「見好多人覺得派東涌好遠，我最初都覺得係...」，但不知不覺已在東涌居住了5年，更直言「住落真係唔想走」，未來如有機會抽居屋，亦希望繼續留在東涌區。
他大讚東涌環境開揚，加上交通配套愈來愈完善，「無論去到邊區都有車返屋企，區區都有E車必入東涌，三更半夜仲有NA車」，非常方便。隨後，樓主更在文中列出住在東涌的5個好處，詳情如下：
▼港人列住在東涌5大優點▼
【原帖文】
街坊力撐東涌宜居：住落唔願走
不少網民認同樓主觀點，指東涌環境清幽、配套日漸完善，「住東涌都唔錯，清清靜靜」、「東涌唔錯，好過大東北同大西北」。亦有街坊認為交通便利，接駁路線多，往返九龍快，若配合政府公共交通補貼及月票優惠，車費隨時比新界西北更便宜，「成日話東涌車費貴，買月票加埋政府補貼就唔算貴，起碼平過天水圍出九龍市區」。
▼網民留言▼
網民：淨係車費都蝕死你
不過，亦有反對聲音質疑樓主說法毫無根據，直指東涌升中屬離島校網，缺乏Band 1中學，教育資源相對匱乏，對有小朋友的家庭構成壓力，「根本無band 1中學，band 2就有幾間」、「band 2都只係兩間，其餘中學都係band 3」。此外，有網民批評交通費仍屬高昂，來回旺角車費近$50，一家三口出門就要$150，直言「淨係車費都蝕死你啦」，又形容東涌只適合「唔洗返工」的退休人士。
▼網民力數東涌缺點▼
來源：FB@公屋討論區
↓【限時搶⚡】SERY BOX輕盈即食酵素粉↓
↓高速分解碳水、蛋白質及脂肪｜餐後消滯、去脹、減輕腸胃負擔↓
《社群》請您試用全新「驅蚊大師『清爽版』」200支！
