公屋商場現「長者關愛站」？免費送福袋+代填政府資助表格！公司真身曝光竟然係…原來係做OO生意？

李鄭屋商場突現神秘「長者關愛站」　

近日，HOY TV節目《一線搜查》接獲李鄭屋邨街坊陳先生報料，指邨內商場突然出現一間名為「長者關愛健康服務站」的店舖，聲稱為長者提供免費健康檢查，包括磅重、量血壓等，甚至贈送福袋以及代填政府資助表格，吸引不少長者前來。可見該「服務站」門口貼滿大大小小的宣傳單張，標榜「長者免費身體檢查」，卻未有展示任何牌照。而且站內裝修簡陋，宛如內地二三線商場的臨時攤位，僅擺放幾張椅子和桌子。

點擊圖片放大

街坊、長者誤以為官方機構

早前《一線搜查》攝製隊實地走訪商場，不少從該「關愛服務站」離開的街坊對服務表示滿意，但對機構的實際背景和性質卻了解不深。街坊周先生：「幾好呀，幫街坊做呢啲社會福利，（知唔知咩機構？）咪幫長者囉，冇疑惑呀，幫長者嘅嘢，打開門，唔會話呃人嘅」。另一位街坊蔡女士分享，指自己因視力不好，因此請職員代填表格，「佢幫我填表，同我講交去邊」。

不過，亦有居民對該店舖的背景感到疑惑，張先生坦言：「我希望呢區嘅關愛隊出嚟澄清呢樣嘢，唔好再有俾人有誤會，我睇唔到（有名）、咩性質又睇唔到，剩係關愛兩個字，好虛泛」。王先生亦覺得奇怪：「唔明點解，呢啲應該係政府基本上安排咗，點解會突然有間咁嘅嘢、叫啲長者入去了解吓」。

職員承認非官方機構：老闆想做善事

當日攝製隊更以街坊身份入內查詢，職員主動推介代填政府資助表格服務，更即場取出表格示範。涉及的申請項目包括長者生活津貼、傷殘津貼、高齡津貼、醫療券等，而職員更特別推介一項8萬元的物業維修津貼計劃。

+3

+2

點擊圖片放大

不過，當被問到是否義工、地區關愛隊時，職員隨即否認，僅稱是私人機構的受薪員工。對於機構背景，職員表示：「老闆喺呢度大，咁賺到錢就梗係搬出去，回饋返社會」，又指雖有意申請慈善牌照，但根據了解申請需時三年，因此先以私人形式營運提供服務。

議員提醒：勿隨便透露個人資料

《一線搜查》已向當區關愛隊查詢，對方僅表示曾收到查詢，但不清楚店舖背景。商場管理處則以私隱為由，拒絕透露租客身份。深水埗區議員龐朝輝接受訪問時，證實近日接獲不少街坊查詢，更有長者到店檢查後填寫住址，僅兩小時內即有職員上門，協助申請維修物業資助。他呼籲居民要小心，不要隨便向他人透露個人資料，以免私隱外洩。

真身竟是裝修公司？負責人承認做生意

經過多方追查，《一線搜查》最終聯絡上負責人郭先生，他在電話訪問中坦承服務站實際上由一間裝修公司營運，目的是協助長者申請政府提供的8萬元長者維修物業津貼，「我哋係間裝修公司，幫長者申請8萬蚊維修物業資助，幫佢哋申請咪介紹返裝修公司俾佢」。

+3

+2

點擊圖片放大

郭先生解釋運作模式：半賣半送

他進一步解釋整個運作模式：「可能$8萬批得$6.5萬，其實仲差$1.5萬，應該要長者補貼返。但我哋公司老闆就話『唔好收佢哋啦，我哋當半賣半送啦，老人家邊有錢，有錢都留返嚟食飯啦。』」

點擊圖片放大

郭先生強調出發點是善意，反問外界質疑是否合理，他說：「其實有乜傷害到長者先？我哋有乜做得唔好嘅地方呢？我哋都係幫人啊，冇乜嘢錯啊，同埋我哋都唔係搵長者著數啊！」至於以「關愛」名義開店，他則辯稱：「咁都唔算關愛？幫長者、協助佢哋整返好間屋企喎，係最核心嘅一樣嘢喎！整好間屋企係咪算關愛呢？」

來源：HOY TV一線搜查