內地客來香港IKEA食杯麵！本地伯伯制止VS外籍客「聲援」繼續食
香港IKEA再變「餐廳」？近日有港人留意到再有內地客自攜食物，並於IKEA美食區餐桌位置，從相中可見該兩名遊客正在享用自備杯麵，引來一名伯伯不滿遂上前制止，然而一名外籍人士卻「開聲」著用餐人士繼續食？事件迅速在網上掀起討論，有網民批評該外國客「做架兩」，認為佔用商店地方享用自攜食物的行為好「肉酸」。
內地客IKEA食杯麵遭制止！外籍客反撐：Enjoy your food
有網民透過Threads分享，日前直擊兩名內地遊客在IKEA門店餐桌大啖自備杯麵，從相中可見為印有簡體字的杯麵，一名本地伯伯見狀當面斥責「點解喺人哋啲舖頭食自己啲嘢」，卻意外觸發一名外籍顧客「聲援」，以英語向該兩名內地客表示「Enjoy your food（盡情享用你的食物）」。
內地客獲支持後還掏出糖果「氹」該名外國人士的小朋友，阿伯及後轉用英文溝通卻被以「聽不懂」回絕，令旁觀者腳趾摳地。事主在Threads發文稱，內地客獲支持後不但繼續開動，還掏出糖果「賄賂」外國小孩，阿伯轉用英文溝通卻被以「聽不懂」回絕。伯伯無奈向樓主表示：「之前啲人都唔係咁，而家簡直係動物大遷徙」。
網民狠批行為好肉酸 VS 內地非常普遍
事件引發網絡論戰，不少人對於內地客的行為表示不滿，直斥「去舖頭食人哋啲嘢（店外）真係好X肉酸」、「窮就唔好來香港」、「幾時香港餐廳對外來享用食物寬鬆到咁」、「甚至連嗰杯麵都係大陸牌子，嚟香港為乜」？甚至有人為伯伯抱不平，感嘆「阿伯好慘，圍觀嘅冇一個夠膽」出聲制止；同時又怒斥該外籍人士「做架兩」、「人地阻住ikea做生意仲幫住人」。
▼網民留言▼
然而，都有另一方網民持不同看法，認為上述情況可能是文化差異所致，指出類似行為在內地「非常普遍」、「例如你會見到Starbucks門口坐著既人飲緊喜茶，喺入面海底撈但叫美團串燒....通常有消費都唔會太理你」、「宜家職員都唔理，你咁勞氣都冇用」；網民亦表示：「唔知IKEA有無寫明，但相信指出規則會比就咁鬧有說服力好多，因為佢哋唔係香港人唔會有呢種『梗係唔得啦』嘅Mindset」。
▼網民留言▼
資料及圖片來源：Threads、IKEA Hong Kong
港生活人氣本地熱話
《U GO必去榜》4️⃣大TOP2️⃣0️⃣榜單出爐🎉！
立即睇👀港人熱推演唱會／活動展覽／人氣自助餐／打卡Café😍
↓【限時搶⚡】賞您SmileLife™ ProMov骼動 專利蛋殼膜「精準」關節配方↓
↓針對關節痛症、退化、勞損｜最快5天特強關節減痛↓
