8月新戲速遞之本土/合拍片篇

文:
2015.07.31

廢話唔多講,嚟到8月,如果你係港片迷,有咩新戲好揀?等小編話過你聽!

1.《青洲山上》

 

預計上映日期:22-08-2015

《音樂人生》導演張經緯除咗拍紀錄片,其實佢都會拍劇情片,今次呢個故事係從超過300個參與試鏡嘅澳門市民抽取結集而成,取景澳門青洲山,講述14歲少女曉曉嘅媽媽患有精神分裂,一晚突然唔見咗,原來係去咗青洲山尋夫,其間發生好多荒誕故事,從而道出澳門嘅家庭問題同令大家關注精神健康。

適合:屈X妍
不適合:「我成家都好幸福」嘅人

2.《有客到》

 

預計上映日期:27-08-2015

實力派演員吳家麗擔任導演,由3個短篇鬼故組成,包括無頭女鬼心悠BB同Baby John淒美嘅人鬼殊途故事;有陰陽眼嘅徐子珊報復舅父母捉咗佢隻貓嘅故事;謝婷婷同Eric Kwok飾演遺體化粧師同潔癖男嘅故事,鬼王雷雨陽仲會化身紙紮公仔,嚇死冇命賠!

適合:衰鬼、餓鬼、Seafood鬼
不適合:心血少嘅人

3.《迷城》

 

預計上映日期:20-08-2015

林嶺東80年代作品《龍虎風雲》、《監獄風雲》、《學校風雲》等係香港電影嘅經典之作,對上一次拍片已經係07年嘅《鐵三角》,事隔8年,再度出山,《迷城》講述酒吧老闆民(古天樂飾) 同細路聰(余文樂飾)偶然間識到一個內地女子雲,雲想佢哋幫佢離開香港,其間殺出成班黑社會追捕,原來佢哋捲入咗一單黑金風波!

適合: 港產動作片迷
不適合:容易蕩失路嘅人

4.《猛龍特囧》 

預計上映日期:27-08-2015

暴龍哥鄭中基今次化身臥底劉夢龍,利用同同唯一目擊證人孟子良嘅好友關係,去追查城中首富之子李望峰頂包案,與此同時,佢妹妹就嚟眼盲,想喺盲之前見夢龍做明星,於是佢就去參加「中國好男兒」,又畀佢出到位,仲有人邀請佢去外國拍戲,呢鋪都唔知佢拍戲定查案好!

適合: 《一路向西》加《低俗喜劇》Fans
不適合:囧樣

5.《破風》 

 

預計上映日期:06-08-2015

《激戰》講嘅係中年人嘅熱血,《破風》就講年輕人嘅熱血,拍攝過程真係搵命搏,期間有成80多個工作人員受傷,包括斷骨。一隊單車隊入面有好多角色,鄭知元(崔始源飾)係衝線手,仇銘(彭于晏飾)與邱田(竇曉飾)就係負責做掩護知元製造衝線機會嘅破風手,三人本來合作無間,但知元後來受傷,車隊又因經費問題解散,佢哋唯又分道揚鑣,多年後再遇,居然成為了競爭對手,究竟邊個係最後皇者?

適合:單車友
不適合:踩四輪車人士


用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓