麻雀樂團｜郭柏妍向黃庭鋒立借據場口掀《溏心風暴》集體回憶 網民夢回常在心與得得地！

郭柏妍向黃庭鋒立借據場口掀《溏心風暴》集體回憶

播出後累積不少好評的《麻雀樂團》，近日其中一個場口引發熱話。劇情講到沈家明（郭柏妍飾）意外被整爛大提琴、並為高昂的維修費煩惱，程朗（黃庭鋒飾）見狀即主動出錢幫家明解困。家明為回饋阿朗好意，主動向對方呈上借據，並以可愛跳脫Tone朗讀相關內容：「甲方沈家明向乙方程朗借款四萬港元維修大提琴，並承諾於一年後連同五厘利息歸還給乙方，期間，乙方可以差遣甲方做任何事，只要對方力所能及，必定盡心完成，立此為據。」

+6

+5

點擊圖片放大

隨後，黃庭鋒亦在社交網抵死晒出與拿着借據的郭柏妍合照，並留言：「債主程朗借了四萬港元比（畀）債仔家明，有相為證！」

網民夢回常在心與得得地！

值得留意的是，該幕引發《溏心風暴》集體回憶。事緣《溏心風暴》其中一個經典場口，是常在心（鍾嘉欣飾）為感激得得地（陳豪飾）無條件借錢幫忙，立下借據：「甲方感激乙方， 乙方將來如有任何困難，甲方必定赴湯蹈火， 無條件幫忙， 此承諾為一生一世， 直至任何一方死亡為止 …」

關嘉敏揭新劇角色與真實性格相反

劇情講到程晴（胡敏芝飾）與前度阿輝（鄔嘉駿飾）分手後，對方與阿玲（關嘉敏飾）拍拖（但阿玲是否第三者則仍未肯定）。某日，三人在程晴的漢堡包店相遇，性格驚青的程晴即時顯得手足無措，阿玲見狀竟食住上、出盡全力「夭潤」程晴兼搲著數，挑機港女格相當乞人憎：「（向阿輝說）搞錯自己Ex都唔認得」、「（潤程晴）我都話啦最緊要屋企有錢」、「我哋過嚟有冇折架，話晒佢係你個Ex」、「唔係呀嘛，你同阿輝散咗咁耐都仲未有拖拍呀？」由於Carman演得入型入格之餘，眼神亦夠晒Sharp，令不少網民看畢咬牙切齒，直呼關嘉敏「賤人」！

+2

點擊圖片放大

「進擊的小三」再升呢 

其實關嘉敏以往亦有不少出色「渣女」角色，當中尤以《美麗戰場》中的「進擊的小三」圓圓最令人留下深刻印象！不過其實現實中的Carman一點也不綠茶，在最近熱播的《女神配對計劃》中，Carman率真、體貼及傻氣的性格，更獲網民封為「真女神」。

談到是次演綠茶婊，關嘉敏坦言與自己真實性格相反，故相對以往演繹的「八婆」角色難度再升呢。「呢個角色內斂啲，要將八婆性格收埋少少，但同時又要表達到佢好想寸胡敏芝，所以好難拿捏。」為了投入角色，Carman更因而勾起了初戀遇到「挑機小三」的經歷：「我心入面係諗住我嘅初戀去做！因為我初戀嘅第三者就係一個咁樣表裡不一嘅人，所以我好彩有呢個經歷（笑），我真係諗住嗰個人去做！」

點擊圖片放大

關嘉敏因一特質被監製睇中

問到為何會知道會有這樣一個小三，關嘉敏n續指：「嗰時個男仔（前度）聖誕節（嗰日）呃我出去踢波，其實就同呢個第三者出去食聖誕大餐。原本我諗住等佢踢完波，去睇場戲或者出吓街，但最後尾冇出到。咁原來我嘅初戀男友送咗份聖誕禮物畀個第三者，個第三者返到屋企影完相仲喺facebook tag我，跟住又即刻delete張相。呢個女仔成日滲啲滲啲話畀我知佢嘅存在！如果佢唔係咁樣做，我都唔知...中間發生咗咁多嘢...係囉，所以好深刻。」

監製激讚關嘉敏好認真兼有鬥心

監製Marco受訪時則大讚Carman「生得夠高大」、十分符合角色，因為這樣單靠畫面已能呈現出她氣勢全面壓倒胡敏芝。Marco還大讚Carman專業：「佢（Carman）就算冇對白嘅角色，都會好認真做，好似之前《破毒強人》，佢雖然只係飾演一個冇對白嘅殺手，但佢為咗演好個角色都有參與動作訓練，係好有鬥心嘅好演員。」