51歲中年IT男失業一年申請十幾份工無回音！呻轉行難過登天網民慨嘆搵食難不分行業

文: 黃樂恩

4小時前

中年轉職有幾難？一名51歲打工仔在網上發帖，指自己從事IT行業多年，如今失業超過一年，打算轉行求職卻接連碰壁，申請十多份工全無回音，直言「世界真係好難撈」。帖文引發大量共鳴，不少同路人感同身受，並分析IT行業未來前景，有人建議樓主要有心理準備轉行，亦有人感嘆現時各行各業「搵食」艱難，「香港本地人失業正常的，攞綜援啦」。

中年失業難翻身？IT男：兼職保安都大把人爭

該名港男於香港討論區發帖，他以「已經失業一年了，其實真係好難搵野做」為題分享自身遭遇，指自己現年51歲，從事IT行業多年。自去年起，他不幸中年失業，至今已一年未能重返職場。

樓主坦言，自己對回歸本行已無信心，於是便嘗試轉行求職，曾面試物業管理助理等職位，卻因為無相關經驗遭婉拒。對此，他無奈表示現時社會內卷嚴重，連找一份兼職工作也不容易，「兼職保安都大把人爭，世界真係好難撈，繼續努力...」。

IT業無前景？網民反應兩極

帖文引起網民熱烈回應，有人認為IT行業仍有前景，並建議樓主加強專業技能、考取相關證書才有競爭力，「人工智慧和電腦的時代都需要創新和修復」。但亦有不少人抱持悲觀看法，指IT行業本身已屬高風險行業，「我都係IT已失業5年，IT knowledge又out哂」、「我中學同學都係做IT，上個月都俾人通知唔續約」、「IT遲早都一齊失業，未來AI同Automation會代替大部份做腦的IT人」。

▼網民點睇IT業▼

點擊圖片放大

網民建議及早轉行：馬死落地行

不少網民建議樓主應放下包袱，紛紛勸他要有心理準備轉行，「馬死落地行，轉行，騎牛揾馬」、「未到退休年紀唔係七老八十仲好年青」、「要有轉行的打算」。更有網民表示職業冇分貴賤，建議樓主由夜更保安做起，累積經驗後再轉做日更，「12碼都仲幾大需求的，如日更搵唔到，先做住夜更，有左經驗先再揀...」、「努力啦師兄，未到退休年紀唔係七老八十仲好年青」。

搵食難不分行業？網民：邊行都內卷緊

不過，有網民直言「邊行都內卷緊」、「好多舊同事都失業，依家揾兩餐仲難過沙士時期」，現時不論IT或保安行業，均陷入激烈競爭。亦有人指出，現在香港大量輸入外勞，令本地求職者處境更艱難，紛紛留言「越嚟越難揾食了」、「香港本地人失業正常的，攞綜援啦，我都準備去申請」，甚至有網民無奈笑言：「以前失業去揸的士，依家都唔知網約車請唔請」。