酒樓晚市清一色吉檯似「包場」？港男嘆經濟差惹熱議！網民反駁：中式酒樓已過時

文: 黃樂恩

5小時前

近年本港餐飲業飽受經濟壓力與消費模式轉變夾擊，多間酒樓酒家宣布退場，上半年來多達10間酒樓接連結業。最近有港人於網上分享其用餐經歷，指自己光顧晚市酒樓時如同「包場」，放眼全場幾乎是清一色空檯，場面相當寂靜。片段一出，隨即引起網民熱議，有人驚訝場面冷清，亦有人分析背後原因，直言「咁多人失業，邊有幾多人會有錢入酒樓消費」。

晚市酒樓清一色空檯？港男：明白點解咁多執笠...

日前（21日），有港人於Facebook群組「香港茶餐廳及美食關注組」發帖，分享自己晚市光顧酒樓的的用餐經歷，他無奈寫道：「間酒樓我諗唔會太長命，呢一幕真係反映曬香港嘅經濟，大家留意時間係七點半晚上，不勝唏噓」，並附上一段現場片段。

影片長約19秒，可見樓主分別點了四款小菜，有菜有肉，雖然食物質素不錯，店員有禮貌，但用餐環境卻異常冷清，他直言：「昨晚我係好似包咗個場」。從影片所見到，全場放眼望去幾乎清一色空檯，魚缸內放滿新鮮海鮮卻無人問津，偌大酒樓只有樓主一枱客人，難怪他亦慨嘆地說：「唉！現今的經濟...所以明白點解咁多執笠啦！」

點擊圖片放大

網民驚訝：係咪包左場？

片段曝光後，引起大批網民熱烈討論，有人表示驚訝，直言「邊度地方？」、「閣下係咪包左場」，甚至開玩笑地說：「我想過去影張相」。亦有眼利網民估計地點位於元朗，紛紛留言指「呢間咪喺元朗囉」、「宜家元朗都就係咁嘅情況」。

留言中，有不少網民嘗試分析酒樓晚市變得冷清的原因，認為最大原因是本港失業率持續上升，導致港人消費力大減，「失業人數上升，真實數字仲高得多，冇工做點會出去消費？」、「咁多人失業，邊有幾多人會有錢入酒樓消費」。另一方面，香港租金高企亦被視為關鍵因素，「租金貴賣嘅野自然就會貴，香港人自然返深圳國內追求性價比」，加上香港人口老化、移民潮與生活壓力齊發，愈來愈多人選擇經濟實惠的兩餸飯，酒樓晚市客源自然愈來愈少，並慨嘆說道：「酒樓真係變夕陽行業...」。

▼網民分析酒樓晚市變冷清原因▼

點擊圖片放大

酒樓式微非經濟唯一指標？網民：中式酒樓已過時

不過，亦有不少網民持相反意見，認為問題不單單是出於經濟，而是港人消費模式已經改變，「酒樓係老屎忽文化，80、90、00後呢三個世代人都唔多去酒樓」、「疫情令香港人習慣早回家」、「根本係消費模式轉變晒，好多人寧願留返短假期北上駛錢」。亦有聲音指出，不能單靠一間酒樓作為經濟指標，「睇下你間酒樓係邊區啦！我屋企樓下嗰兩間星期一去食完坐咗九成半」、「有啲野唔合時就會被淘汰」、「你唔去商場影吓啲排晒隊嘅食店？中式酒樓已過時，關乜嘢經濟差事」。

▼網民點睇▼

+11

+10

點擊圖片放大

來源：FB@香港茶餐廳及美食關注組

中式酒樓步入寒冬？

早前也有網友在香港討論區以「香港中式酒樓死因」為題發帖，指出「國內餐飲影響是主因但不是死因」，認為不透明的收費制度才是最大的致命點。他表示，雖然酒樓菜單標明了各款菜式價格，卻有「白飯錢」、「茶位」、「加一」等隱藏收費，往往到實際結帳時才見真章，使整體消費缺乏預算感。相比之下，內地不少餐飲品牌標價清晰，付款方式明確，自然更能吸引食客。

延伸閱讀：中式酒樓接連執笠北上消費並非致命傷？港人狠批五大死因：比咁多錢都唔好食

網友分析5大死因：比咁多錢都唔好食

帖文引起熱烈討論，不少網友深表認同，紛紛留言「中式酒樓，你預埋單時，同菜單上銀碼加25%或以上就較合理」、「由得佢自生自滅，始終酒樓營業成工高，客人又以上了年紀的為主」。綜合留言，網民普遍將中式酒樓的衰落歸因於以下5大問題，包括食物預製化、租金壓力、酒席市場萎縮等，甚至有港人直言「幾十蚊食預製點心，埋單仲要加服務費，傻的嗎？」、「食物材料差，賣得貴，食客唔係傻仔，佢地執笠都係整定」。