十大香港世界級紀錄 住在香港的你可能未必知!

文:
2015.09.02

文:DL

香港機場(曾經)係世界級就係人都知,不論係建築定服務,都總算(曾經)對得起佢高達1,553憶,世界最高嘅造價。但你知唔知,其他香港「世界級」嘅紀錄呢?

1. 世界上最高的住宅大廈:天璽
天璽位於西九龍,樓高270米,佢最近某一千呎單位售價只係3000萬,只要你月入萬四,叻過一半香港人,只要不吃不喝不去日本180年就可以買到架啦。

 

2. 世界上人口密度最高的地區:旺角
旺角人口密度為130,000人/平方公里,旺角有幾逼,我諗唔駛解釋啦!

 

3. 全球最高酒店:香港麗思卡爾頓酒店
係度住好抵架,最平都係四千幾蚊一晚,同我來回日本加住間溫泉旅館差唔多價錢。根據官方資料指,位於118樓的OZONE是全世界最高的酒吧,飲酒都豪過人。

我覺得男人三十歲點都要試過望住個維港沖涼囉(圖:官網圖片)

 

4. 世界上最大酒店壁畫:港島香格里拉酒店
這幅《大好河山》室內絲綢壁畫,高16層樓共50米,闊15.24米,由40位來自北京的藝術大師製作完成,掛在酒店的41樓至56樓之間的中庭裡。應該都無咩機會見到架啦。

一個字:霸氣(圖:wikipedia)

 

5. 最大的酒店勞斯萊斯車隊:半島酒店
半島酒店是很多人心中最豪華嘅酒店。50輛勞斯萊斯汽車又如何?都係個句 : 這些機會不是屬於我的。

這些機會不是屬於我的。(圖:官網圖片)

 

6. 世界上造價最貴廁所:金至尊旅遊展覽廳
金至尊旅遊展覽廳,造價3800萬港元。3800萬?莫非佢鑲金?錯,佢唔係鑲金,佢係純金打造架。純金廁所3800萬,而香港政府都唔差,銅鑼灣興發街公廁造價都有1300萬架,得閒可以去下。 (笑)

 

7. 全球最多摩天大樓
香港共有2,354棟摩天大廈,總高度 333,836 米,比第二位的美國紐約市多出 1,560 棟, 總高度更多於224,116米。就連CNN都讚!另看《CNN 激讚 香港 10 大無人能及的優點》。

不過大家有冇留意,係街上好少見到日光呢?因為被人遮住晒呀嘛!

 

8. 最高的擁有手提電話比率
有幾部都唔出奇,因為相信你屋企部Nokia仲未壞。

 

9.  最繁忙的邊境管制站:羅湖
2014年,經羅湖管制站出入境的旅客超過8710萬人次,都唔係好多姐,香港人口十二倍左右咁囉。據路邊社消息表示,羅湖經過每年近億人次的踐踏,它快將陸沉(好似係)。

 

10. 全球首間華語電視台:亞洲電視 57年
亞洲電視1957年成立,當年叫「麗的映聲」。至今已58載,詳情請打開亞視,佢每次係無廣告嘅廣告時段都會無限loop自己幾十年前嘅威水史。但亞洲呢家野有得睇就好睇,佢就快變歷史架啦。


用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓