Translate Server Error? 香港十大中英不對應的街名
文： DL
Google translate所做成嘅笑話就聽得多，但你有冇諗過香港啲街名都係中英不對應嘅呢？小編為大家精選咗十條街，每個背後都有一個有趣或蕩氣迴腸嘅故事。
1.窩打老道原來同拿破侖有關？
窩打老道（Waterloo Road）係九龍嘅主要道路，連接油麻地及九龍塘，大家每次出旺角一帶都幾乎一定會經過。但大家有冇諗過「窩打老」係咩黎呢？
「窩打老」原來即係滑鐵盧，係位於比利時布魯塞爾附近嘅一個地方。1815年，歐洲聯軍係滑鐵盧戰役打敗拿破侖，為紀念這次勝仗，殖民地政府就將這條道路命名為「Waterloo Road」，可惜當時官員唔知道已經有滑鐵盧呢個中文譯名，而譯為窩打老道，搞到百幾年後，幾乎無人知呢條日日行嘅道路原來同呢場大戰有關。
所以話，唔怕生壞命，最怕譯錯名。
2.金鐘道定皇后大道？
望住金鐘道呢個名，大部分人都會以為佢英文係「Admiralty Road」，但事實上金鐘道英文係「Queensway」，原來金鐘道於1968年之前原本是皇后大道東（Queen's Road）嘅一部分，所以英文名依然係 Queensway 。好心你啦，改名改一半唔改一半，想點啫……而且明明係女皇，點解會變咗皇后嘅？
3.愛秩序原來係一個人？
愛秩序灣，我細細個就聽過呢個名啦，一直以嚟我都以為當地居民好乖好奉公守法所以有呢個名，但到大個，望下愛秩序街個英文名，點解係「Aldrich Street」嘅？原來 Aldrich係一個英國軍官少校（Major Aldrich）。佢係1842年來港，由於整頓軍紀效果顯著，所以當個地方以佢嚟命名時，中文就應該用了音譯+意譯，成了「愛秩序」，又一個中英不對應嘅好例子。
4.西貢公路關條腸事？
西貢公路英文唔係「Sai Kung Highway」，而係以香腸品牌命名？原來當年指揮投降日軍修建此公路嘅英國軍官 K Pottsts，好鐘意食美國牌子「Hiram」嘅香腸，因此被人取名為「Hiram K Potts」，而西貢公路英文名亦改做「Hiram's Highway」。話說我好鍾意食碗仔翅，咁將來係咪可以有一條「碗仔翅街（Fake Shark's Fin Soup Street）」呢？
5.蘇杭街英文又係人名？
蘇杭街（Jervois Street）位於上環，以19世紀駐港英軍總司令乍畏將軍（General Sir William Jervois）命名。蘇杭街舊稱「乍畏街」，但由於後來乍畏街多數商店都是銷售來自蘇杭嘅布藝品，而被華人稱之為「蘇杭街」，而英文就維持不變，所以都話要讀好啲英文架啦，改咗中文名，又唔改埋個英文名，搞到而家中英文唔同名啦。
6.渣華道定爪哇道？
渣華道(Java Road)位於北角，以印尼爪哇島命名。渣華道原本叫「爪哇道」，1900年代，「爪哇輪船公司」於北角設立辦事處。後來道路落成，政府便將之命名為「爪哇道」。1950年代政府大規模發展北角，爪哇道亦被改名為較為好聽的渣華道。至於係咪真係好聽咗就見人見智啦。
7.緬甸台唔關緬甸事
緬甸台（Minden Row）位於尖沙咀訊號山下，毗鄰漆咸道南及彌敦道。「緬甸台」雖然稱為「緬甸」，但其實同東南亞國家緬甸無關，Minden 原來係德國城市。話說20世紀初，該處曾住有大批來自德國中部城市明登（Minden）的居民，因而得名。該處後來開左另一條街道，已經改以「棉登徑」命名，但緬甸台呢個名已經深深咁欺騙咗我嘅感情……
8.火石位於英國？
火石道位於九龍塘，英文叫「Flint Road」，英文「Flint」解火石，就咁睇無問題呀。但原來呢度嘅Flint係指英國位於利物浦附近嘅威爾斯弗林特郡（Flintshire）。中文名卻將「Flint」誤譯為「火石」。將人地個名意譯咗，就搞到咁啦。
9.賈炳達原來係木匠？
賈炳達道（Carpenter Road）位於九龍城，賈炳達唔係人，英文「Carpenter」意思為木匠，但中文卻音譯為「賈炳達」，應意譯時音譯就變成咁啦。
10.呈祥道同港督有關
呈祥道（Ching Cheung Road）位於深水埗北，佢嘅命名同港督戴麟趾爵士（Sir David Clive Crosbie Trench）有關。「呈祥道」呢個名，取自「麟趾呈祥」這句吉祥語，睇黎改名嘅官員肚中都有返少少墨水喎。
參考資料：香港地方/中西區風物志/香港最令人費解的地名
>>延伸閲讀：
《你會把調景嶺叫作「Tiu Keng Leng」還是「Rennie's Mill」?》
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
