2人家庭等足8年終上樓！入住荃灣福來邨大露台單位！網友激讚：好似啲私樓

苦候8年終上樓！樓主最愛舊公屋露台

有港人在Facebook群組「香港公營房屋討論區」分享上樓喜悅，表示以二人家庭輪候公屋8年，早前終獲分配公屋單位。樓主一家被獲派荃灣福來邨一個325呎單位，雖然樓齡超過60年，有不少地方需要陸續維修，但他難掩興奮心情，「入住咗4個月，整極都未整好間屋，不過係開心嘅」。

從照片所見，單位裝修保留原始簡潔格局，白色牆身與木地板帶出溫暖感；露台門框髹上粉紅色，再配以落地窗簾，空間顯得柔和又有質感，難怪連樓主也表示「我最喜歡個大露台」。

網民激讚似私樓

不少網民對其裝修表示驚喜，直言認不出是公屋單位：「完全唔似係公屋」、「加咗落地窗簾好似私樓落地玻璃咁」。也有人大讚設計充滿復古與溫馨感，「露台加塊簾即刻好warm」、「有品味嘅人住邊都無所謂」，又認為只要在配色與家品多加用心，公屋同樣可以打造成溫暖舒適的小天地。

點擊看網友留言

+6

+5

點擊圖片放大

舊公屋格局成最大賣點？

亦有網民羨慕樓主能夠分到帶露台的單位，雖然是屋邨樓齡大，但格局比起現時新公屋更實用，「有廳有露台咁爽」、「好少公屋開到咁大對門望出去」。亦有人提到福來邨屬早年公屋，樓底較高、通風良好，紛紛大讚「福來邨幾好住，而且舊樓結構好啲」、「好靚啊，呢啲和諧屋」。

樓主靠1招幾萬蚊打造溫馨小家

面對網民追問裝修是否找設計師、花費多少，樓主亦大方分享：「用咗幾萬蚊，傢俬裝飾全部都係網購DIY（淘寶同拼多多）」。他表示，收屋後只聘請普通師傅進行基本裝修，「其他全部都係自己DIY，露台門自己髹咗粉紅色油」，更表示「窗簾布對間屋真係好重要」。

網友質疑有拆窗 樓主咁回應

部分網民關心安全與結構問題，詢問樓主單位是否進行了拆窗、露台是否會滲水，以及是否能間出兩房。

點擊看網友質疑

+5

+4

點擊圖片放大

樓主則澄清露台部分「冇改過」，他說：「我冇拆鐵支，只係加咗鋁窗，全部原裝，上次十號風球都冇事」。至於間房，他表示該單位是可以間出兩房，「但係我只間咗一房，所以可以有一個飯廳位」。同時，他表示保留露台是刻意決定：「有露台嘅屋好難得，所以我唔會拆，我覺得個廳都唔細呀，又有一間睡房，廚房又夠大，好滿足了！」

來源：Facebook@香港公營房屋討論區