公屋翻新變「翻洗」？港人一原因唔收貨想搵房署算帳！網友一律建議「唔好要」

公屋翻新後地磚縫黑蚊蚊 港人：這是已翻新？

樓主在帖文中表示，該單位是「交俾房署翻新」，但上樓視察時發現，廚房及廁所地台磚縫依然發黑，外觀明顯殘舊，與他理解中的「翻新」差距甚遠。隨後他更在帖文中一連拋出多個問題，包括「這是已翻新的狀態嗎？」、「我可要求佢執返好地台嗎？」、「定係自己洗？洗唔洗得甩？」等，並留言補充指曾見其他住戶翻新後磚縫呈白色，因此感到困惑及不滿。

點擊圖片放大

網友力證未換磚：只係洗過就算

帖文一出，隨即引起網民開注，有網民留言看後，指出房署很大機會並未更換地磚，只是以洗石水簡單清潔，「你留意下瓦與瓦之間的污漬就知」。

即睇網民留言

• 用洗石水應該就洗到，不過...功夫大囉，面積大就慘
• 可以肯定佢地無幫你換，只係用洗石水洗左就算，你留意下瓦與瓦之間的污漬就知勒
• 我明你講咩，龍門由佢擺！你試下再問下，點解新地磚會咁樣？不過應該都係佢講晒
• 我反而會想了解下，佢地（翻新）嘅定義同準則？
• 睇開D啦，公家野...買支番去，"拿"佢1個鐘先用刷個地，應該會白番好多

點擊圖片放大

網友分享經歷：有人全白 有人翻新馬虎

亦有不少網民分享自身經驗，有人表示「拎匙果日真係全白」，但亦有人指房署翻新極為馬虎，施工質素欠佳，「磚崩咗都只係補白英泥」、「牆身油過就算」，甚至出現出現漏水、生鏽水滲出、螺絲未鎖實等問題。有網民直言，現時不少翻新單位只處理牆身，地台保留原狀，導致新舊差距明顯，全憑運氣分配。

網友分享經歷

+4

+3

點擊圖片放大

網友指樓主或誤解「翻新」定義

亦有部分網民指出，樓主可能誤解房署對「翻新」的定義，強調翻新並不等於全新或全面更換，「冇爛唔會換，最多同你洗一洗就算」、「翻新唔代表幫你清潔」是常見處理方式。不少網民指出，房署的工程標準與私人市場存在落差，提醒樓主應先了解清楚翻新工程涵蓋範圍，再作進一步跟進。有留言則建議，若對質素有較高要求，應預算自行裝修，或拒要等下一派。

即睇網民留言

+5

+4

點擊圖片放大

樓主重申澄清：我無要求換新

面對部分指責，樓主隨即澄清自己從未要求房署一定要換新地磚，而是不滿「主任聲稱已換磚」，實際效果卻完全對不上，「我諗唔明換磚會係咁樣的？」。樓主直言，自己只希望廚廁地台最基本「整返白條縫」，而非接受現時黑蚊蚊的狀態，由於仍未正式簽約，他表示會再向房署理論，「我而家好唔開心，我未簽約，揾佢算帳」，要求交代清楚工程是否名實相符。

來源：Facebook@香港公營房屋討論區