公屋裝修爛尾拖足半年！未入伙遭房署收回單位？港人發文急求助「可以點做？」

公屋裝修半年未入伙？港人面臨收回風險問點算？

樓主以匿名方式代朋友發帖，表示對方去年已獲派公屋，但因裝修師傅拖期及爛尾，需要重新找師傅施工，導致至今半年仍未入住。早前，朋友收到房屋署通知，職員表示要收回單位，令他感到徬徨無助，因此委託樓主在群組發文求助：「要收返，可以點做？」

裝修半年都有屋住？網民：證明無急切需要

帖文很快引起關注，不少網民力撐房署立場，紛紛留言「半年都有屋住，證明根本唔需要間屋囉」、「唔好煩，交返出嚟，你都唔急，由佢爛尾」。亦有網民批評部份公屋住戶，「公屋住戶扮業主，裝修成私樓咁，你話有錢定冇錢」、「住公屋就唔好以為自己住豪宅」、「師傅爛尾唔係房署責任，我哋租唔係買樓」，認為公屋資源有限，應合理使用，不應長期空置。

即睇網民留言

+7

+6

點擊圖片放大

網民震驚：見過裝修成年都冇事

部分網民對樓主朋友的遭遇深感同情，認為問題重點在於裝修公司爛尾，而非豪裝單位，「明明話裝修爛尾，點解大家話豪裝？」有人指出，「自己住整好啲唔明有咩問題」、「有能力整靚啲係無問題」，批評網民過於苛責。

• 我朋友一年先入住，我都唔係即刻裝修
• 見過裝修咗成年未入住都冇事
• 我哩個新屋苑好多人3個月、半年仲裝修緊無人理
• 我見好多都裝成半年啦，樓主你呢件事係唔係真架
• 我一年先入伙（因為裝修問題），屋邨主任冇理過我
• 冇可能，唔會半年就趕人走既，最少都一年
• 岩岩拎到屋，就問左主任裝修期算唔算長期無人住，佢話有三個月寬限時間比我裝修
• 我都爛尾，不過一早同我條村主任備咗案

有留言分享經驗，表示房署一般會給新入伙戶寬限期，「我呢個新屋苑好多人3個月、半年仲裝修緊都無人理」，「我一年先入伙，屋邨主任冇理過我」、「見過裝修咗成年未入住都冇事」。亦有過來人提到，「我都爛尾，不過一早同我條村主任備咗案」，強調事前備案可避免被收回單位。

房署嚴打公屋濫用 網民提醒注意條款

亦有網民提醒，近年房署嚴厲打擊公屋濫用行為，如超過合理時間仍未入住，可能被視為濫用資源。有留言解釋，「條款有寫領匙後60天內搬入」、「合約寫明一個月內入住」。部分網民建議，若裝修需延長時間，應向房署提交證明文件，包括裝修合約以及工程影片，詳細說明延期原因，才能申請延長入住時間，否則單位仍有可能被收回。

+5

+4

點擊圖片放大

根據香港房屋委員會（房委會 ）與公屋租戶所簽訂的租約，承租人及名列在租約上的家庭成員在租約生效日期後一個月內，必須搬入該公屋單位，並須經常持續居住於承租單位內。

來源：Facebook@公屋討論區、新聞公報