拜年神回覆懶人包！10大情境KO毒舌親戚：催婚/問人工點答？講呢句保證即收聲

拜年慘變「身家調查」長輩3大窒息攻勢點應對？

講到拜年，不少年輕人都表示「壓力山大」！特別是當大家圍坐食蘿蔔糕時，總會有位「熱心」親戚「查家宅」。第一波攻勢通常是單身人士最痛：「隔離陳師奶個仔細過你都生兩個啦，你仲係一個人？」如果你有另一半，就會進入第二層地獄：「幾時擺酒呀？係咪未買到樓呀？」最慘係甚至會被拿來比較人工、職位，令原本喜慶的場合瞬間變成「批鬥大會」。有網民直言，這種窒息的氣氛令人只想逗完利是就秒速逃離現場，這種「關心」實在「好難頂」。

點擊圖片放大

網民熱議「高EQ」答法反擊　親戚聽完即刻啞咗

面對這些步步進逼的提問，總結各方獻計，教大家幾招「神回覆」保平安！

Q1 親戚問：幾時結婚？

點擊圖片放大

Q2 親戚問：你而家搵幾錢一個月呀？

點擊圖片放大

Q3 親戚問：全家得你未結婚啵？

點擊圖片放大

1. 第一招：「借力打力」
   當親戚狂問幾時結婚，網民教路可以用最真誠的眼神回答：「我都好想結呀！不過而家擺酒買樓要幾百萬，如果你肯資助我首期，我即刻結俾你睇！」通常講到錢，親戚就會即刻「縮沙」轉話題，萬試萬靈！

2. 第二招：「反客為主」
   這一招主打「以其人之道還治其人之身」。當對方問你有無對象，你可以反問：「姨媽你個仔今個月俾幾多錢家用你呀？」、「表姐做盛行呀？升職未呀？」只要你問得比佢更尷尬，佢就會知難而退，主動結束對話。

3. 第三招：「風水師傅上身」
   通常長輩都比較迷信，這招絕對是必殺技！你可以「懶認真」地說：「師傅話我今年唔適宜結婚，如果唔係會破大財兼影響全家運程，所以我都係聽師傅話算啦！」為了家宅平安，親戚通常都不敢再多口！

▼【10大親戚問題懶人包】：神回覆對照表一覽▼

感情與婚姻（重災區）

Q1. 情境：幾時拍拖呀？眼角唔好咁高啦！

• 內心 OS：關你咩事...

• 神回覆： 「我都想呀！不過相士話強求爛桃花會破財兼行衰運。為咗保住份工同荷包，師傅叫我專心事業先，唔好急！」(必殺技：搬「師傅」出嚟，長輩通常唔敢挑戰風水。)

Q2. 情境：幾時結婚/擺酒呀？表妹都生埋仔啦！

• 內心 OS：你估擺酒唔駛錢呀？

• 神回覆： 「其實我哋都有計劃架！不過而家酒席貴，加上想買樓上車，首期差唔多都要幾百萬。既然姨媽你咁心急，不如你資助我少少首期？ 封大利是支持下，我即刻結畀你睇！」(必殺技：一講錢，親戚通常會話「飲茶先」然後轉話題。)

Q3. 情境：做咩唔生小朋友呀？生一個好悶架，追多個啦！

• 內心 OS： 你幫我養呀？

• 神回覆： 「姨丈你有所不知啦，而家養一個小朋友要 800 萬，兩個就要 1,600 萬！我哋份糧僅僅夠供樓咋。如果你肯幫手畀首期或者供書教學，我哋今晚即刻返去努力！」

金錢與事業（查家宅）

Q4. 情境：而家人工幾多呀？有無加薪/花紅呀？

• 內心 OS： 稅務局查稅咩...

• 神回覆： 「唉，市道差你都知架啦，公司無裁員已經偷笑！份糧僅僅夠食飯搭車咋，姨媽你個仔做大生意，不如叫佢介紹路數畀我？ 或者封封大利是補貼下我？」(必殺技：千祈唔好講實數！扮慘永遠最安全。)

Q5. 情境：幾時買樓呀？而家樓價跌咁多抵買喎！

• 內心 OS： 跌咗我都買唔起...

• 神回覆： 「係呀，不過專家話個市仲未跌定，而家買隨時變負資產。我唔想連累屋企人擔心，都係睇定啲先，租樓住住新樓會所仲划算！」

Q6. 情境：做咩唔考政府工/公務員呀？

• 內心 OS： 我鍾意自由唔得咩...

• 神回覆： 「我都想呀，不過聽講而家公務員壓力好大，我有個朋友做到有情緒病。我覺得健康最重要，而家份工雖然人工普通，但勝在開心又無壓力，身體健康就係財富嘛！」

外貌與比較（人身攻擊）

Q7. 情境：嘩！你做咩肥咗/殘咗咁多呀？

• 內心 OS： 你都老咗好多啦...

• 神回覆： 「係呀！最近食得好住得好，心情靚自然心廣體胖，相士話我呢啲叫『福氣相』，越有肉越旺夫/旺財架！」(必殺技：將「肥」包裝成「旺」，無人敢反駁好意頭。)

Q8. 情境：你睇吓表哥阿強，又買樓又升職，你都要努力啲啦！

• 內心 OS： 咁你叫佢做你個仔囉...

• 神回覆： 「係囉！表哥真係好叻仔，我都要向佢學習。既然佢搵咁多，今餐團年飯一定係佢請啦！一陣要叫佢加多隻鮑魚至得！」(必殺技：順水推舟，將焦點轉移去「請客」度。)

無聊八卦（找碴型）

Q9. 情境：點解你唔叫人/咁靜嘅？

• 內心 OS： 唔想同你講嘢囉...

• 神回覆： 「唔係呀，我見姨媽你講得咁開心，想聽你分享多啲人生道理/湊仔經/投資心得嘛，我袋錢落袋都黎唔切啦！」(必殺技：長輩最鍾意認叻，畀頂高帽佢戴，佢就會自己講唔停。)

Q10. 情境：部手機有咩好撳呀？唔同我哋傾計？

• 內心 OS： 救命...

• 神回覆： 「死啦，老闆急Call我處理公事呀，手停口停，我覆完呢個Message就陪你傾！」(編輯提醒，新年流流拜年都要保持禮貌。)

資料及圖片來源：連登討論區、《港生活》整理、TVB《愛回家》劇照

年初一禁忌2026︱大年初一10大宜忌 初一食齋積福/米缸裝滿！洗頭/食粥恐窮一年

迎接2026馬年，大家都期盼新一年能行大運、招財進寶！在傳統習俗中，大年初一禁忌（即2026年2月17日）最為關鍵，如果不慎觸碰禁忌恐會影響整年運勢。《港生活》為大家整合年初一禁忌懶人包，從洗頭、洗衣服的初一限制到飲食上的開運秘訣，教大家如何避開衝煞、守住財庫，開年即迎來爆棚好運！

+44

+43

點擊圖片放大

2026團年飯10大「吸金」吉祥菜式排行榜！第1位發到笑 餃子原來係吞元寶？

2026農曆新年將至，下周二（2月17日）便是大年初一。正所謂「年三十晚，一家團聚」，這頓團年飯（做節飯）絕對是全年最重要的一餐。除了要食得豐盛，廣東人最講究「意頭」，菜式名稱必須與發財、好運諧音。想來年馬年行大運、招財進寶？即睇《港生活》整理以下 10 大港式團年飯必食吉祥菜，原來食餃子代表吞元寶？食生菜可以生財？跟住食包你旺足全年！

+11

+10

點擊圖片放大

+12

+11

點擊圖片放大