00後港人稱不想努力全因4大殘酷現實！怒轟老一輩係廢柴 80/90後留言反擊

文: HK港生活

2小時前

【00後 / 連登熱話 / 不想努力 / 世代之爭 / 買樓難 / AI搶飯碗 / 80後90後 / 職場文化】「點解00後唔想返工？」這個問題近日於連登討論區引發大量激辯，一篇由00後撰寫的千字長文坦言，由細被逼讀興趣班、補習，捱過網上大學 Zoom 上堂，出到社會卻發現AI 搶走初級職位、樓價高企「不吃不喝廿年先買到樓」，AI 搶走初級職位、人工追唔上生活成本，連「努力有回報」呢句話都開始令人懷疑，卻惹來不少80、90後過來人反駁。即睇網民點講！

00後大控訴4大殘酷現實：我寒窗苦讀換嚟呢堆慘痛？

近日連登討論區一篇題為「作為一個00後，近來我反思點解我地呢代人唔想努力工作，只想休息」的帖文引起關注。發文樓主自稱為 00 後，剖白由細到大承受沉重讀書壓力，要讀沒有興趣的興趣班，又要日日去補習，回到家還有十多樣功課做，「點解我地可以照做？因為上一輩都話只要我地努力就會回報，讀到大學可以任玩，搵份好工生活就會舒服」，相信上一輩「努力就會有回報」的承諾，結果出到社會卻發現完全是兩碼子事，並列出現時 00 後面對的 4 大殘酷現實：

大學生涯被偷走：考完公開試（DSE），撞正疫情換來四年網上大學，日日睇 Zoom 睇到頭暈眼花，連 Ocamp 都要偷偷摸摸。
AI 搶飯碗：努力實習搏表現，誰料畢業後初級職位已經被 AI 科技無情取代。
職場欺凌：好不容易找到正職，卻遇上變態上司，日日返工淪為「滿足廢老嘅發洩慾」。
買樓難過登天：樓價雖然話回落，但以現時起薪點，仍要「不吃不喝多廿年先買到一層，我用一世人嘅時間寒窗苦讀，就係換呢堆慘痛返嚟？」

樓主憤怒地表示不少長輩教導要「刻苦耐勞」，但只是因為對方成長於經濟起飛、機會最多的黃金年代，「隨便讀個大學就會有好工返，依家就可以日日大放厥詞，指點江山」，根本不明白現今世界的遊戲規則已經改變，直言「以佢地嘅思維同埋心智喺呢個年代成長，佢地只會係一條廢柴」。

他又強調，發文並非鼓勵躺平，而是認為「世界已經唔同咗，唔好成日話00後點點點。你（長輩）始終都係要學識同新世代共存，否則你同你間公司都可以等住被淘汰」。

原帖文▼

點擊圖片放大

80、90後過來人反擊：你估以前買樓好易？

帖文一出，瞬間引爆世代大戰。不少 80 後、90 後網民反駁，指樓主將自己「睇得太大」，每個年代都有各自的辛酸史。以下綜合各大網民或過來人的 3 大反駁觀點：

點擊圖片放大

不過，帖文中亦有一批90後留言，反而與樓主頗有共鳴。有聲稱 1994 年出生的網民分享切身之痛，指自己小時候已被灌輸「讀好書、搵好工、買樓、結婚生仔」這一套觀念，但去到大學畢業時，樓價已升得甚高，「當年好多朋友同學都係掏空四大長老份身家夾硬上車，結果樓市就開始冧」。

他感嘆，「而家睇返我地呢代人真係好慘，由細到大社會洗你腦人生點做先幸福，然後就喺正前面放個陷阱收割你，你跟社會嗰套行就中晒計」，直言「所以我都選擇躺平冇再奮鬥」；有網民就表示「樓主講嘅嘢唔係錯哂，但亦唔係岩哂，努力讀書補習興趣班，乜嘢後都一直經歷緊，每個時代時段都一定有優點缺點」。

點擊圖片放大

社交媒體普及放大落差？努力未必可以打破階層？

對於為何 00 後的「躺平」情緒特別明顯？有部份網民提出一個觀點，認為社交媒體的普及是關鍵之一。

例如用家只是想用手機聽歌，但期間就被突然彈出的短訊頻通知 distracted，導致極大心理焦慮及浪費了不少時間。

他指出，現時 IG、Threads 等充斥住周遊列國、天天「食好西」的帖文，「依家嘅後生仔知道咗努力係完全追唔到資本增值，試想像出世果陣隔籬床個 B 已經有 100 萬，到 20 歲佢已經有兩三球被動收入，而你出嚟做嘢仲有 30% 糧要畀家用。條 Gap 已經大到幾世都追唔到。」坦言以前 90 後仍有種「努力可以打破階層」的感覺，但現在社交媒體、資訊發達將貧富懸殊血淋淋地展現，令部分年輕人認為既然終點遙不可及，自然選擇「躺平」。

網民教路必勝自救法：唔好打死一世工

至於「努力未必有回報」，綜合眾多網民意見不少人認為應該善用 AI 變主宰，「你同 AI 比到底邊個先係主宰？你係醒嘅有諗頭嘅，反過嚟利用 AI，總會有出路。」與其擔心被淘汰，不如學習操控 AI 提高生產力；另外亦有人覺得要學懂投資理財，「唔好打死一世工，做到經理都係幫老闆賣命。堅持躺平可以，但唔該一定要正經學投資、學用錢滾錢！」社會規則改變是不爭的事實，但與其抱怨生錯年代，不如重新規劃理財與職場策略，「因為機會始終留俾有準備嘅人」。大家又怎樣看呢？

（上述內容均屬網民討論的個人觀點及看法，僅供參考。）

資料及圖片來源：連登討論區、劇照示意圖