結業潮｜中環再失40年布行老字號！富利絲綢疋頭8月光榮結業！港人感嘆老店接連消失：大換血
【結業潮｜富利絲綢｜老字號｜光榮結業】本港結業潮不斷，中環利源西街又有一間老字號告別大家。富利絲綢疋頭近日在社交平台低調宣布，將於2026年8月光榮結業，結束40年的布行生涯。店主在Facebook僅簡短寫道「40年老店8月光榮結業」，消息傳出後令不少街坊大感不捨，紛紛表示「唉！多可惜」、「好可惜，啲布好靚，我都買咗幾幅」。
富利絲綢開業40年 宣布8月中旬光榮退休
位於中環利源西街25號的老字號布行「富利絲綢疋頭」，自1986年開業至今40年，專營各式布料與窗簾，多年來以種類齊全、可自由配搭見稱。店內貨品涵蓋純棉布、絲綢、織錦、工業用帆布、斜紋布、麻布，以至功能性遮光布，選擇繁多。
除了零售布料，該店亦提供訂造窗簾、枱布、衫領等服務，疫情期間更推出口罩橡根、口罩布。多年來，該店一直是不少專業裁縫、設計師及街坊尋找布料的熱門地點。
日前（4日）布行老闆在其Facebook專頁發文，宣布店舖即將結業，並寫上：「closing down sale」。消息傳出後，有港人於Facebook群組「全港店舖執笠結業消息關注組」發帖，慨嘆表示：「40年老店8月中光榮結業。」
港人不捨：40年老店成集體回憶
消息曝光後，不少港人都大感惋惜，感嘆又一間老字號即將告別，認為富利絲綢陪伴不少人成長，亦見證香港布業發展，紛紛留言「唉！多可惜」、「HK歷史」、「大換血」。亦有人大讚店內布料質素出色，「佢哋啲布好靚」、「布料睇落好靚喎」、「好可惜，啲布好靚，我都買咗幾幅」。
網民留言
- 好可惜， 啲布好靚我都買咗幾幅
- 大換血
- 唉！多可惜
- HK歷史
- 佢哋啲布好靚
- 布料睇落好靚喎
港人分析老店結業原因：個個去淘，邊個去做衫
亦有不少網民分析老店結業原因，認為近年網購平台興起，加上愈來愈少人自行縫製衣物，令布行經營愈見困難，「而家個個都去幫襯晒拼多多」、「淘寶打沉香港」。亦有人指出，本港租金及經營成本高昂，加上做衫需求下降，即使布料質素再好，亦難敵市場環境改變。不過，亦有仍然堅持自製衣物的網民表示，自己一直會按喜好及身形縫製衣服，「唔係因為慳錢，而係買唔到啱自己風格同身型嘅衫褲」。
網民留言
舖位半世紀升值13倍 成市場焦點
這間老字號的結業，除了牽動人情味，其舖位的物業交易同樣引起市場關注。資料顯示，富利絲綢疋頭位於利源西街23至25號同和樓地下25號舖，建築面積約1,644平方呎，地舖及入則閣各822呎，地舖實用面積約800呎。根據盛匯商舖基金創辦人李根興透露，該舖位於2018至2021年間的月租曾高達$83,000。值得留意的是，該舖位在上月（6月中）以1,480萬元成交，呎價約9,002元。原業主早在1972年以約105萬元買入，持貨54年，賬面獲利約1,375萬元，物業期內升值逾13倍。
富利絲綢疋頭
地址：中環利源西街25號地下
電話：3520 1297
營業時間：11:00am-7:00pm
來源：富利絲綢疋頭-布料/窗簾、Facebook@全港店舖執笠結業消息關注組
港生活人氣本地熱話
↓【香港貓迷博覽會2026🐱】大派300張門票！✨↓
一連3日！帶埋主子入場
↓【限時搶⚡】黑白®85周年限定迷你積木↓
↓3款限定精品↓
U GO 本週好去處
