香港越來越難生存？港人列5點呻生活難捱：茶記晚餐至少$70起跳！網民各有答案稱「香港已經算Easy Mode」

港人列5點呻香港越嚟越難生存

近日有港人於連登討論區以「香港越嚟越難生存」為題發帖，列出5項現時面對的問題，包括物價上升、人工增長追不上生活成本、對政府政策的不滿、外勞競爭，以及學歷貶值及大學畢業生就業問題。

樓主表示，現時物價不斷上升，連平日較普遍的茶記晚餐亦要$70至$80，惟人工水平似乎仍停留在10多20年前。此外，他認為即使大學畢業，學歷價值亦似乎下降，甚至有人畢業後仍要從事外賣等工作，對香港目前的生活環境及前景感到失望。

網民有共鳴：自己買餸煮都貴

帖文引起不少共鳴，有網民認為與其到茶記用$70至$80食飯，不如改食兩餸飯、燒味飯或盅頭飯，亦有人笑言「自己煮啦」，但隨即有人反駁指現時連買餸都已經不便宜。亦有網民認為香港真正昂貴的是住屋成本，甚至有人提出「點解唔移民？」、「全民做露宿者，全民綜援」等建議。

網民留言

+5

+4

點擊圖片放大

網民各有答案 反問「邊度係易生存？」

不過，亦有網民對樓主的說法不以為然，認為現時全球不少地方同樣面對通脹及生活成本上升問題，更反問樓主：「呢個世界有邊度係愈來愈易生存？」亦有人認為資本主義下各地都有相同問題，不應將所有責任歸咎政府，更直言「難唔難生存係睇你收入嘅啫」。

網民留言

• 樓主介唔介意分享下呢個世界有邊度係愈黎愈易生存
• 全世界都困難，香港已經叫易
• 資本主義係咁，全世界都一樣，唔好瀨政府
• 難唔難生存係睇你收入嘅啫
• 香港呢個easy mode都叫做難生存嘅話樓豬唔好做人算
• 建議去外國生活幾個月體驗下，好快就會明白香港再差都好過唔少發達國家
• 呢一刻成個世界有咩地方唔難生存

有網民認為香港人「窮」都好有錢

亦有網民認為，香港人的「窮」未必如想像中嚴重，並認為所謂「難生存」部分亦與生活要求及消費模式有關。有人反問「壽司郎晚晚大排長龍點解釋」，指一方面呻生活難捱，另一方面卻餐餐出街食、排隊食壽司，街上亦隨處可見最新手機，更有人每年多次到日本旅遊。

至於住屋，有網民認為若要求市區、近地鐵、有校網、近娘家、有會所，又希望附近沒有公屋，符合多項條件後，住屋自然難以便宜。

網民留言

+2

點擊圖片放大

來源：連登討論區