港人自爆2分鐘神速買居屋經歷 笑言過程快到似發夢?過來人揭真實情況:快過買菜

文: 黃樂恩
2小時前

居屋揀樓過程可以有幾快?近日有港人分享與丈夫到居屋揀樓的經歷,兩人首輪揀樓,不足2分鐘便選定單位,連同辦理手續約個1小時便完成,形容整個過程竟快得令人難以置信,直言「我朝早都未瞓醒...咁就擺低咗個首期」。帖文引起關注,不少網民留言恭喜之餘,亦有引起曾參與居屋揀樓的網民共鳴,紛紛笑言買樓的速度竟然比買菜還快。

居屋揀樓不到2分鐘完成 樓主:朝早未瞓醒已俾首期

該名港人在Threads發文表示,當日與丈夫到居屋揀樓,兩人獲安排第一輪揀樓。由進入揀樓環節到選定單位,前後不到兩分鐘便完成,更是當日第一對揀完樓的準買家。她透露,整個過程相當順利,約一個半小時便辦妥所有手續,可以離開。

樓主坦言,自己當日早上甚至還未完全睡醒,便已經付出首期,銀行戶口的存款一下子少了一大半,心情既緊張又刺激,同時帶點空虛和開心,百感交集。她感慨香港人長年為住屋問題煩惱,如今終於有機會擁有自己的安樂窩,直言十分感恩。

網民恭喜成功上車 形容居屋「平靚正」

帖文曝光後,不少網民留言恭喜樓主成功買樓上車,認為居屋價格相對吸引,直言「居屋買得過,勁抵」,又形容居屋可謂「平靚正」。有網民更以幽默方式祝賀樓主,指成功買入居屋,等於取得非公屋人士在香港「稍為舒服啲嘅人生」入場券,祝願她好好享受新居生活。

網民留言

  • 真呀,居屋買得過,勁抵
  • 恭喜,居屋真係平靚
  • 買樓就係咁簡單
  • 咁平首期,供又平,無咩感覺
  • 恭喜,你已經擁有咗非公屋人士喺香港嘅「稍為舒服啲嘅人生」入場券

過來人分享揀樓經歷 笑言買樓快過買菜

不少曾參與居屋揀樓的網民亦有共鳴,紛紛分享當年的經歷。有過來人指,揀樓時根本沒有太多時間考慮,一旦遇上心儀單位便要立即決定,否則很可能被其他買家選走。有人憶述,當年坐下來短短5分鐘便完成揀樓及交錢,不禁慨嘆「人生大事好似好求其咁」。亦有人表示,自己早已在揀樓前透過螢幕選定心水單位,一進場見到單位仍然可供選擇,便立即決定入手,整個過程只花了一分鐘。

此外,亦有不少網民不約而同以買菜作比喻,笑言「買樓真係仲快過揀生果」,又形容完成揀樓後,感覺就像在街市買了一棵菜,付錢後便離開,連樓主看後亦忍不住回應:「係lol,我喺街市買棵蔥都諗吓」。

網民提醒收樓要驗樓 亦有人關注居屋樓價

不過,除了恭喜及分享經歷,有網民對樓主成功置業感到驚訝,紛紛留言「今時今日仲買樓」、「Mic樓之後裝修仲有排要煩」、「只係開始,mic起樓的話祝你好運」。亦有網民好奇詢問居屋樓價,「現在的居屋單位需要二百萬嗎?」樓主亦有作出回覆,指實際價錢要視乎購買的單位,包括單位面積及地段等因素,「睇吓你買咩,size同埋地段」。

此外,有網民提醒樓主買樓只是第一步,之後裝修及收樓仍有不少事情需要處理,特別是收樓時記得找專業人士驗樓,仔細檢查外牆及喉管等位置,「收樓多檢查外牆喉管,買d望到外面既鏡」,避免日後出現問題。另有人提醒,不要隨便丟掉廚房門,認為這些細節在入住後可能相當重要。

來源:Threads

↓【請您入場睇《飢餓遊戲前傳:黎明反擊》優先場🎥↓


↓【限時搶⚡】想甜嚐甜純芝麻糊雪糕↓

↓極濃黑芝麻及堅果油脂香氣↓

↓極濃黑芝麻及堅果油脂香氣↓

U GO 好去處推介