元宵前必學！「夢幻紫」紫薯湯圓

來到農曆新年最後一個重點日子「元宵節」！今年香港的元宵活動特別多，不但有綵燈會、舞魚燈等活動，北角亦有傳統的戲棚舊墟，可以去湊湊熱鬧。>>詳情按此<<

玩樂過後，當然不少得元宵最經典的環節 — 「食湯圓」！團年飯剛剛吃完，超市的選擇離不開花生、芝麻、豆沙，湯圓皮的變化更是少之有少。

自己搓就最好，喜歡什麼餡料就放什麼！紫薯的人氣持續不減，就以它作「天然色素」，搓出「夢幻紫」湯圓吧；餡料方面，小編今次就選擇了三角朱古力、芝士和nutella榛子醬，有鹹有甜。想食得健康一點的話，也可以選擇不同水果如芒果等，將其打成蓉，放入冰格成冰，然後切粒，同樣美味。

材料：

糯米粉 80g

滾水 40ml

凍滾水 適量

紫薯 一個（中型）

三角朱古力/ 片裝芝士/ nutella醬

做法：

1. 先洗淨紫薯，削皮，然後切塊

2. 蒸熟紫薯至軟身/ 或放紫薯在碗中，加水至紫薯被蓋過一半，封上保鮮紙後刺穿一小洞，放進微波爐 800W 叮4-5分鐘

3. 撕開保鮮紙取出（小心蒸氣！），用叉將紫薯壓成蓉，留有一些紫薯粒更美味

4. 將滾水和糯米粉混合，然後逐少加入凍滾水，搓揉期間加入放涼了的紫薯蓉，一直搓至麵團不黏手

5. 取出一小塊粉團，搓圓壓平，中間放上你所愛的餡料（三角朱古力/芝士/nutella）後封口

6. 將湯圓放入滾水中煮起，可配搭糖水，完成！3款口味當中，以三角朱古力最穩陣，nutella製作起來有點難度，難以用湯圓皮包起軟身的醬；帶點鹹味的紫薯芝士湯圓有驚喜，建議用較濃味的芝士，餡料跟甜紫薯皮反差較大較好吃！

製作簡單，跟家人過元宵，或與愛人共度中國情人節時都可以食，暖身更暖心。