由細睇到大！9套歐陽震華經典劇集回顧

歐陽震華一向係無綫的「收視福將」，唔單只新劇《一屋老友記》獲網民勁讚，其實多年來主演的劇集有口皆碑，每次都錄得高收視。以下9套經典劇集，你記得幾多套？

壹號皇庭系列　（余在春）

 
圖: youtube擷圖

講Bobby的經典作品又點少得《壹號皇庭》？ Bobby拍完《壹號皇庭》後終於捱出頭，開始擔正做男一。《壹號皇庭》之後亦不停添色，拍足五輯！

醉打金枝（郭　曖）

 
歐陽震華同關詠荷呢對熒幕情侶一齊拍咗唔少好劇。《醉打金枝》內容輕鬆又搞笑，平址收視亦達30點！
 
美味天王    （田味吉）

 
《美味天王》係當年的台慶劇，演員有關詠荷、古天樂、宣 萱及張達明等好戲之一，陣容龐大。不過小編最記得嘅係主題曲開頭肥姐把聲講：「好嘢嚟咖！哈哈哈哈」，一聽已經覺得好笑。

洗冤錄系列（宋　慈）

洗冤錄應該係Bobby嘅得意之作，古代出色法醫「宋　慈」一角帶領Bobby第一次獲得「視帝」寶座。

陀槍師姐系列    （陳小生）

又一部經典又高收視的劇集，《陀槍》共有四輯，觀眾勁讚風趣嘅「陳小生」，其實小編都好想睇到娥姐番出嚟做戲啊！


金裝四大才子   （ 祝枝山）

《金裝四大才子》將唐伯虎點秋香的故事擺入公仔箱，Bobby伙拍張家輝、魏駿傑、林家棟一齊大放笑彈。

青出於藍    （賈濟材）

Bobby做校長亦不失搞笑本色，不過講到《青出於藍》最有印象的地方一定係「三水漁農業職工會尹兩燦慈善基金尹丁寶瑞紀念中學」呢個極長嘅學校名！

賭場風雲    （齊歡暢）

Bobby的經典劇集實在太多，但要講最威水一定係《賭場風雲》，Bobby憑齊歡暢一角入圍第35屆國際艾美獎最佳男主角，估唔到呢！

東坡家事    （蘇　軾）

事隔2年再回歸TVB，《東坡家事》算係比較近期嘅作品，福將Bobby繼續發揮輕鬆爆笑的風格，帶挈劇集收視愈升愈高！

 

下頁看：《一屋老友記》挽回收視鸁口碑！網民：老中青演員都掂