瑪嘉烈與大衛返嚟喇!ViuTV 2017新節目率先睇

文: 9527
2016.10.12

自4月開台後,無論自家製作劇集還是實況娛樂都嬴到不少口碑。去到10月, ViuTV已經計畫好2017的新節目,除了繼續製作拿手的實況娛樂節目之餘,更會力推自家劇集同音樂節目,仲計劃開英文台ViuTV six,似乎真係愈戰愈勇喎!馬上睇睇以下節目預覽!

 

 

實況娛樂

1.    跟住矛盾去旅行2

  

早前王丹已承認前香港大學學生會主席馮敬恩參加《矛盾2》拍攝同遊東京,亦有傳雞排妹與袁彌明到英國拍攝,至於之前預告的杜汶澤、梁天琦同陶傑通通無影!最後成行有幾多對就無人知,但可以肯定《矛盾2》將於 2016 年 11 月出街。

2.    黑料理

  


艾粒的《對不起標籤你》獲觀眾勁讚,雖然未知會否開拍第2季,但艾粒繼續發掉搞鬼本色,同名廚Gabriel聯手炮製意想不到用黑材料泡製食物,將不可能變成可能,小編個人覺得幾吸引!

3.   碌卡大導

為咗拍戲,伍詠薇、詹瑞文、劉美君、KB Kevin仔咩人情卡都要碌到盡,仲有仲話要請到發哥同Big Bang,係真唔係啊? 

4.    精裝送禮仔

 
四位主持變身送禮仔,自己諗禮物送給具話題性的嘉賓,唔知會唔會送錯禮,令對方漏低你份禮物呢?

5.    突擊旅行團

帶外國朋友去香港邊度好?山頂?旺角定星光大道?突擊旅行團由外國人帶隊,用旅客角度遊香港,睇你未見過嘅Hong Kong!


6.   操FIT 你阿媽

 
之前有《煮吧!換咗我阿媽》,今次又關阿媽事!今次行出廚房,叫阿媽去打拳同實現理想,做媽媽一樣唔可以怯,怯就輸一世!

7.    超班小學雞

 


小學雞跳班入大學,由O CAMP玩起,仲要上堂做Assignment,又見到《一大一路》小主持Alvin仔,他口齒伶俐兼轉數快,訪問葉劉同劉鳴煒時問題尖銳又不失童真,唔知到時會唔會又有問題難到大學生?

8.   教壞細路

又係灘叔!今次灘叔唔同2047特首一齊上學去,教一班細路友點出嚟行路!


9.   全職媽媽放大假

媽媽唔working,剩係holiday,咁旬?


 


10.   手作 LOW GEAR

 
集創意、技術同本土文化於一身的街頭格蘭披治大賽,參賽者要改裝手推車、積車等「指定賽車」,加定風翼、引擎、死氣喉,到商場、沙灘等不同賽道進行比賽,到時會有飄移甩尾的鏡頭嗎?

11.   十年人事幾花生
用十年時間跟蹤式拍攝,與20位香港人同步見証十年起跌。

12.   IQ148
節目請來 5 位 IQ 超過 148的高智商人士,各全港各界高手挑戰,看看個人智慧與民間智慧對戰下,是否 IQ 夠高就可勝出?

 

自家劇集

來年Viu TV將於一周 5 晚都播自家劇集,踢走BBQ同食麵等膠劇鏡頭,讓觀眾過足劇癮!

1. 瑪嘉烈與大衛系列 前度

《綠豆》叫好叫座,新一年當然要添食!有前塵,才能撫平裂痕;有前度,才能間中回味,她,瑪嘉烈;他,大衛—兩個人的過去,構成不一樣的風景,讓我們一起重臨舊地,貪多一次綠豆前的戀愛新鮮。

2. 午夜伴廊

呢個係白只、豬欣定孫柏文?朱凌凌終於出返黎螢光幕,故事用五、六年時間傾力創作(好似係),為你帶嚟一個以正能量演繹負面情緒,認真地搞笑,這些機會完全唔留畀人嘅全新劇目!

3.詭探

邵仲衡與朱慧敏聯手窺探靈異現場,催命符是否迷信?人死是否有鬼作祟?當年幾宗都市傳說,充滿疑點,現在又會否逐一擊破,原來甚麼都有原因?

 

外購劇集/動畫


外購劇集有高收視韓劇《W兩個世界》、《雲畫的月光》及《Doctors》,日劇則有《營業部長 吉良奈津子》。

 


而動畫方面就會有《暗殺教室》同《一拳超人》,RubberBand仲會為《一拳超人》唱主題曲!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓