港產片《破．地獄》早前上映29日正式突破1.22億票房，創下紀錄榮登香港電影史上最高票房第一位，除了電影情節吸引、演員演技出色之餘，主題曲《普渡眾生》一樣，大獲好評。電影主題曲唱作人林家謙日前就聯同電影《破．地獄》導演兼編劇陳茂賢，作客無綫音樂節目《J Music》，暢談主題曲《普渡眾生》的創作歷程。
「樂壇喃嘸師」林家謙首度唱作電影主題曲
談到為何找來林家謙合作，陳茂賢透露雖然團隊已另外找來音樂家朱芸編為電影配樂，但因有感電影需要一首主題曲圓滿主題，加上宣傳人員建議一定要揾林家謙創作主題曲，故促成今次合作，陳茂賢更向林家謙大笠高帽謂：「呢啲梗係交返畀啲專業嘅音樂天才去做啦。」電影涉獵生死、殯儀業題材，對於林家謙的創作之路可謂一大挑戰，但貴為「樂壇喃嘸師」，林家謙笑言是剛好的一場緣份：「可以幫到呢個電影，咁我又覺得好開心，所有嘢都好似好夾咁。」
林家謙親解創作《普渡眾生》背後原因
原來《普渡眾生》的創作靈感相當有趣，由於是首度唱作電影主題曲，隆重其事的林家謙竭盡所能捕捉任何可以令他產生靈感的細節，他透露有天無意間看到一棵很大的斷樹倒在路邊，但一直無人清理，就是因為這件事，電影歌曲的旋律在他腦海中油然而生，林家謙憶述當時的想法謂：「咁得意嘅？點解佢一路都冇人去超渡佢（指斷樹）嘅？」。填詞方面，林家謙認為因內容牽涉到不同宗教，故也是經過長時間消化望取得最佳平衡、及確保用字的準確度及恰當性，林家謙坦言「我覺得份詞唔似係我寫，我覺得係祖師爺。」
破地獄主題曲《普渡眾生》大獲好評
對於被指譜出感動人心的主題曲，林家謙透露全靠輪迴變調：「好少喺verse唱完之後即刻落chorus升key，我就係（靠）直覺，就好似破地獄咁，超渡咗佢去另外一個level。」談到電影主題曲面世後大獲好評，陳茂賢說：「好耐冇見過觀眾完咗套戲，出緊end roller、出緊首歌嘅時候，全部都唔會離場，而係坐喺度聽完晒，真係聽埋最後嗰個音（先走）。」林家謙則透露很開心獲4位填詞人一致肯定「你寫得好好。」同時陳茂賢亦補充林家謙創作的主題曲圓滿了整套電影「聽完家謙首歌嘅時候，（就好似）有人拍一拍你個膊頭，即係話畀你聽個世界係好嘅。」
」，
App內睇文同睇片可隨時捕捉U Fun彩蛋，
換領現金券及禮品！
【免費送💝】ghd限量冰藍美髮造型夾✨
↓一機兩用 雙效熱風造型！↓
【登記領取💰】Facesss HK$200現金券！
↓無最低消費要求～免費入手美妝護膚品🛒💗↓
