正在閱讀
[山野奇遇] 5個令你滴汗的行山對話

[山野奇遇] 5個令你滴汗的行山對話

2017.01.14

真人真事,發生在郊野間,出得嚟行,總會遇到呢一類朋友……

 

情景一:下午五時半,大棠

  • A:「請問大欖水塘點去?」
    B:「都幾遠喎,就嚟入黑,你哋有無電筒?」
    A:「無呀,不過我哋有手機呀!」
  • 教訓:手機電池只能持續數小時,不適宜作行山用,而且萬一要用電話求救,電話無電就沒辦法了。

 

情景二:赤徑,單身青年問路

  • A:「蚺蛇尖係咪向上行?」
    B:「係就係,不過你一個人?唔係太熟路?」
    A:「係架,不過唔緊要啦,我唔趕時間,慢慢行就得!」
  • 教訓:行山安全與否,有很多因素,大多數與行進速度無關。上述青年缺少伙伴,不熟路徑,就犯了致命錯誤

 

情景三:某山頭,叔叔用力拉扯樹枝。

  • A:「早晨,請問你做咩拉條樹枝?」
    B:「仲有咁高嘅山上,我搵支啱用嘅樹枝,用嚟做行山杖呀!」
  • 教訓:行山杖可以買,鴨記幾十蚊有交易。就算用樹枝作杖,也應用枯枝呀!

 

唔係個個山頭都有士多 

情景四:某山頭,一對情侶在路邊求救

  • 問:「請問呢,附近邊度有水買呀?我哋飲晒啲水呀!」
    答:「……其實呢頭搵個人都難」
  • 教訓:起程前先了解路線有無補給,並且帶夠水先上山 (一般計法,每10公里帶1公升水)。中途發現缺水,就找最快方法離開山頭

 

大東山上的「盛況」,名符其實的「MK山」。 (圖:網友Annie Woo) 

情景五:大東山山頂,有人引亢高歌……

  • A:「獨自在山崗,高處未算高……」
    B:「先生,唔該可唔可以細聲少少,你咁樣好嘈,好大聲呀。」
    A:「關你XYZ事呀,犯法呀…… (下刪一萬字)」
  • 教訓:雖則說,每個人行山有不同玩法,而且山野屬公眾地方,人人有自由做自己愛做的事。然而,任何舉動其實都要為他人著想,己所不欲物施於人。此謂人之同理心,絕非與犯法不犯法的膚淺問題。

很多問題,其實源自大家拒絕把心開放,拒絕用心學習,謝絕謙虛。於是,人就會變得無知。切記,無知並不是罪,但足以致命。 

原文刊載自Fitz.hk,本篇圖文獲Fitz.hk授權刊登,未經許可,請勿轉載。 

 

jkk50056
jkk50056 【各行各業辣妹幸福來找】 【好康不錯過】+【 賴】【 jkk50056】
21/01/2017 18:24