達明一派去旅行！《今夜柏林星光燦爛》5大笑位

今次方丈唔去少林寺，拉埋明哥達明一派一齊去柏林旅行，實行「隨風而來， 隨風而去」拍攝《今夜柏林星光燦爛－達明一派》。兩人飛到歐洲追星尋偶像足跡，節目集音樂及旅遊節目於一身，加上幽默的達哥不斷發放笑彈，半小時足以笑到肚痛。

達哥搭夜機

達明一派31年來一齊去歐洲旅行。事前訪問先知原來達哥首次搭夜機，
去到機場仲拖屍式拎住結他行出機場。

豬腳定豬手？

節目組問達哥最想食乜，達哥回答豬腳。

見慣大場面的達嫂即刻更正話係咪鹹豬手。其實，方丈又錯唔哂，豬腳定豬手咪又係一樣！

千杯不醉（好似係）

 
達哥是愛酒之人，去到德國梗係要飲酒，直頭係千杯不醉（好似係）。
  即使明哥唔多理，照樣乾杯。

神父耍雙刀

 
今次達哥唔做方丈轉做神父，表演「神父耍雙刀」。手拎餐刀亂揮騷Quali，即使醉醉地都「功架十足」，方丈果然食過夜粥。

超齡木馬

或者方丈只顧練功，市集內向明哥透露了少男心事，「我成世人都未坐過旋轉木馬！」
騎在木馬上的達哥可愛到不得了。

《今夜柏林星光燦爛－達明一派》 逢星期一、二 22:30-23:00

來源：ViuTV