日前張頴康出席活動時自爆老婆每日俾$100零用,事後麥雅緻慘被網民鬧又嚴又刻薄。昨晚張頴康於Facebook撰長文為老婆平反,讚老婆好辛苦好偉大,兼力撐$100總對夠用,張頴康錫老婆都表現更獲過萬網民俾Like!
張頴康話「呢$100蚊只係俾我用嚟買我自己嘅嘢,例如紅酒,零食」,而老婆則負責供樓、買車、入油等屋企所有雜項,而自己完全唔需要理,全部由老婆一個人處理哂,又讚太太「一個女人要照顧一頭家,其實係好辛苦好偉大」。
張頴康的愛妻表現網民當然勁Like,紛紛留言讚佢係個好男人!
來源:張頴康麥雅緻FB