「Econ考第一就做你女朋友」全班好同學夾埋唔合格　幫成績勁差男追女仔！

中學生的純真與青春一去不復返，機會來到時要好好把握盡情揮霍青春。有網友在Facebook群組發帖，指一位「成績勁差」的男同學向女生表白，女生鼓勵對方，指只要他經濟科教全級第一便跟他拍拖，結果男同學狡猾出矛招，向同科同學仔要求「手下留情」！

帖文表示，男主角都有努力溫書，但怕考第一的機會渺忙。於是「一個一個走去求同科既人手下留情」，結果同學仔都答應要求，很合作地全班不合格，男主角就變成全級第一，抱得美歸。雖然係矛招，但有誠意兼有創意，係冧嘅。

一眾網民戥男主角高興，首先他一定人緣好好，才有一班好同學願意出賣成績成就他。有人指女主角都玩埋一份唔合格，代表雙方都鍾意大家。亦有人猜則女主角沒有修讀經濟。無論如何，都為男主角抱得美人歸而高興。

短短一個帖文獲萬個讚好及400幾個分享，不少已踏入社會工作的網友羨慕少年輕狂，感概這樣的青春才不枉過。你的中學歲月又做過甚麼至今都回味的傻事？ 

來源：名校Secrets